SHS-Ateneo batok SWU sa Cesafi volleyball event finals
CEBU, Philippines – Ang Sacred Heart School-Ateneo de Cebu girls makigharong sa Southwestern University (SWU) sa usa ka “best-of-three” finals series alang sa secondary division title sa Cebu Schools Athletic Foundation, Inc. (CESAFI) volleyball event.
Kini human ang SHS-AdC mipukan sa defending champion nga University of San Carlos (USC), 25-22, 25-22 sa semifinals, samtang ang SWU mipilde sa University of San Jose-Recoletos (USJ-R), 25-16, 25-13.
Ang Game-1 sa ilang finals series sugdan sa Oktubre 17 diha sa USC gym.
Ang SWU mitapos sa semis sa No. 1 spot sa ilang siyete puntos, samtang ang SHS-AdC adunay sayes puntos. Ang USJ-R adunay singko puntos, samtang ang USC wala kakuha og daog sa tulo ka duwa sa semis.
Sa tertiary division, ang SWU midaog batok sa USC, 27-25, 21-25, 25-15, 25-15, samtang ang USJ-R mipilde sa University of Southern Philippines Foundation (USPF), 25-23, 20-25, 25-22 ug 25-21. (BANAT NEWS)
- Latest