CEBU, Philippines – Miiskor na sab og daog ang Aulga Hardware pinaagi sa paglubong sa Gallardo/Navaja team, 65-48 sa nagpadayong duwa sa Viva Forty Christmas League 2015 basketball tournament niadtong Sabado didto sa Guadalupe Sports Complex.
Turno na sab ni Ayong Rama aron pangulohan ang Aulga Hardware human siya mikadlit og 16 puntos, samtang si Cesar Fernando miabuno’g 12 puntos sa maong kadaugan.
Duha sab ka players sa Gallardo/Navaja team ang mihimo’g double figures human si Jerry Billota miposa’g 14 puntos ug Sam Llevado nga adunay 10 puntos nga katunga ra sa iyang 20 puntos nga natala sa duwa nila batok sa Team Gayoso niadtong Septiyembre 26.
Sa pasiunang duwa, si John Dañoso mitikdol og 12 puntos alang sa Team Capt. Gacasan nga mipilde sa Team Gayoso, 58-54.
Tulo sab niya ka teammates nga silang George Mante, Stephen Postrero ug Lito Gabunada parehong mitimbre’g 10 puntos.
Bugtong si Velmonte lang ang naka-double digits alang sa Team Gayoso sa iyang 10 puntos.
Sa laing aksiyon, ang Dayon Ent. Printing Press midaog sab dihang ilang gilabhan ang Blue Coast Laundry, 50-43.
Si Lino Ybarita maoy topscorer sa Dayon Ent. Printing Press nga mibugha’g 16 puntos, samtang si Cesar Gabutan mikuso-kuso og 10 puntos aron pangulohan ang Blue Coast Laundry, kinsa napilde sab sa miaging semana.
Ang maong torneyo nga duwaon matag adlaw’ng Sabado gipadagan ni Viva Forty president Allan Glen Abella ug commissioner Dodong Elizalde.
Puntos Matag Usa
Unang duwa:
Team Capt. Gacasan (58) – Dañoso 12, Mante 10, Postrero 10, Gabunada 10, Cortez 7, Rivera 5, Bagondol 2, Alvano 2.
Team Gayoso (54) – Velmonte 10, Rivera 9, Balleriano 8, Navaja 8, Santiago 6, Jacaban 4, Aliño 3, Rama 2, Alcantara 2, Cane 2.
Ikaduhang duwa:
Dayon Ent. Printing Press (50) – Ybarita 16, Tejano 6, Pacaña 6, Granada 5, Bihag 4, Desamparado 4, Torrepalma 3, Fuentes 2, Tinapay 2, Abella 2.
Blue Coast Laundry (43) – Gabutan 10, Lopez 8, Sasing 7, Racho 6, Ibo 5, Labandero 3, Panerio 2, Aniñon 2.
Ikatulong duwa:
Aulga Hardware (65) – Rama 16, Fernando 12, Cabanilla 8, Navaja 8, Aulga 5, Villarba 4, Esgana 4, Reunido 3, Adolfo 2, Miego 2, Bacatan 1.
Gallardo/Navaja (48) – Billota 14, Llevado 10, Navaja 8, Hinacay 6, Labra 5, Cabarrubias 3, Navaja 2. (BANAT NEWS)