CEBU, Philippines - Ang Philippine Dragon Boat Federation Team mihatag og dungog sa nasud human sila mihakot og upat ka bulawang medalya sa 12th International Dragon Boat Federation (IDBF) World Championships didto sa Canada.
Ang mga Pinoy midaog sa upat ka dibisyon sa maong torneyo nga gisalmotan sa mga lig-ong dragon boat teams gikan sa Macau, Hungary, Italy ug Puerto Rico.
Ang mga Pinoy dili pa kompleto sa maong line-up tungod kay pipila kanila ang wala makakuha og visa, apan nakahatag gihapon sila og dungog sa nasud nga Pilipinhon. (BANAT NEWS)