2nd Talisay City Marathon gitakda sa Agosto 16
Lemuel P. Maglinte (Banat) - July 24, 2015 - 10:00am

CEBU, Philippines - Masukod na sab ang abilidad sa mga Cebuano long-distance runners sa ikaduhang Talisay City Marathon nga gitakda sa Agosto 16 diha sa Talisay City Hall grounds.

Ang mga organizers miingon nga lisud ang rota nga agian sa mga runners tungod kay lahi kini sa mga miaging marathon nga nahitabo na sa Sugbo.

Gawas sa 42K marathon,  may lumba sab alang sa 21K half marathon, 10K ug 5K fun run.

Sa dili pa ang aktuwal nga marathon, adunay himuong simulation run nga mao ang ‘Lechon Run’ sa Hulyo 29 diha gihapon sa Talisay City Hall. Ang mga runners mosubay sa rota nga moagi sa mga kabarangayan sa Talisay.

Si Talisay Runners Club president Alex Dalusung miingon nga ang maong lumba usa sa mga highlights sa  Charter Day celebration sa Talisay  ug sa susamang higayon pag-awhag sa mga Talisaynon nga malambigit sa himsog nga mga aktibidadis.

Ang registration fee nagkantidad og P350 sa 5K, P450 sa 10K, P700 sa 21K ug P1300 sa 42K. Ang registration centers naglakip sa Talisay City Sports Commission sa Talisay City Hall, RUNNR sa Ayala Center-Cebu, C & J Optical sa Gaisano Fiesta Mall ug Kai Stickers.

Ang   nakaparehistro alang sa TCM  libre na nga makadagan sa ‘Lechon Run’.

ALEX DALUSUNG ANG AYALA CENTER-CEBU CHARTER DAY GAISANO FIESTA MALL J OPTICAL LECHON RUN MGA NGA TALISAY TALISAY CITY HALL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with