CEBU, Philippines - Nangambisyon si ALA Boxing Gym fighter Jimmy ‘Popeye’ Paypa (16-2, 6KOs) nga modaog sa OPBF super bantamweight title sa sangka nila ni Japanese champion Shingo Wake (17-4, 10KOs) karong adlawa didto sa Korakuen Hall sa Tokyo, Japan.
Ang 21-anyos nga si Paypa, nag-atubang og lisud nga hagit tungod kay damgo niya nga mahimong regional champion didto sa teritoryo sa iyang kontra. Kompiyansa hinuon ang kampo ni Paypa sa ilang kadaugan.
Sila si Paypa ug Wake pulos nakakuha sa 122 lbs. limit kagahapon atol sa official weigh-in. Kini ang ikaduhang sangka ni Paypa sa Japan human miresulta sa usa ka technical draw ang una niyang sangka batok ni Tsuyoshi Tameda niadtong Mayo sa miaging tuig. (BANAT PALARO)