CEBU, Philippines – Human sa Cebu Marathon, ang mga Sugbuanong runners gihagit og mas kutas nga lumba sa dagan pinaagi sa “Runilla Eco Challenge 2015: Run for Honey” sa Pebrero 22 didto sa Minglanilla.
Lain na sab kini nga lumba sa 42K, apan mas lisud kini tungod kay ang mga partisipante mosubay og tricky ug rugged terrains.
Ning higayona, gilakip karon sa organizers ang 42K division human nila nakita nga ang 21K sa miaging tuig mubo ra kaayo alang sa mga seasoned runners. Lain pang mga kategoriya nga mahimong daganan mao ang 3K, 8K ug 21K.
Alang sa dugang pang mga pakisayod, mahimong mokontak sa 0920-4355458.
Ang maong kalihukan magsilbe sab nga fund-raising event diin ang proceeds niini maoy gamiton pagpalit og ‘bee colony’ alang sa piniling beneficiary, mao nga ang lumba ginganlan og “run for honey.” (BANAT NEWS)