Atong hisgotan ang best-of-seven championship series tali sa San Miguel Beermen ug sa Alaska Aces sa nagpadayon nga PBA Philippine Cup (kanhi All-Filipino Conference) diin nagtabla na ang ilang series sa 1-1 human sa Game 2.
Unang midaog ang Aces kaniadtong Miyerkules sa iskor 88-82 pinaagi sa overtime. Tungod sa depensa, atong matawag nga usa kadto ka low-scoring ballgame diin nakapabor ang Alaska nga usa ka defensive team.
Sa Game 2 niadtong Biyernes, gipaila sa Beermen nga sila usa ka offensive team ug natural lang nga mahimo kining usa ka hi-scoring ballgame. Wala molanat sa overtime ang maong duwa apan miabot ang iskor og 100-86 ug pilde ang Aces og 14 puntos. Midaog lang sila'g sayis puntos busa utangan pa sila'g otso puntos.
Ning pagsuwat Domingo sa buntag, dili na lang nako huwaton ang resulta sa Game 3 ug dako gihapon akong pagtuo nga ang Beermen maoy makauna sa 2-1 ug medyo naka-adjust man tingali ang Aces aron dili na muabot og 100 ang iskor sa ilang kontra apan mapilde lang gihapon sila'g labing menos otso ngadto sa 10 puntos--posible 98-88 ug posible sab 97-89. Kini kung ugaling dili makaabot ug 100 ang iskor sa Beermen.
Tungod lagi kay negosyo man kining PBA, ang Aces maoy modaug sa Game 4 apan ang Beermen na maoy mudaog sa Game 5 ug Game 6. Hayan muabot kini'g Game 7 kung ang Aces maoy modaug sa Game 3 kay ang buot ipasabot niana nga sila maoy manag-iya sa odd number samtang ang Beermen maoy manag-iya sa even number busa dayag na lang nga dili gyud usikan sa Beermen ang higayon kung sila na maoy maglabaw sa series aron posibleng ilang taposon sa Game 6.
Ato nang angkonon nga kining PBA karon nga henerasyon usa na ka negosyo. Nagsugod kini sa pagdagsa sa mga Fil-Am players ug daghan sa atong mga kaila ang nakasapi ginagmay nga nagsilbing agent kay hatagan man sila'g finder's fee.
Kung muabot gud og Game 7 pwerteng dakoa'g makita sa Smart Araneta Coliseum. Gani dinhi sa Sugbo kung mauno ang usa ka PBA provincial game ingnon man dayon nga 'it's a promoter's dream."
Ang kadtong dili motuo nga negosyo kining PBA kadto ra gyung duwa ray tan-awon apan dili man sab kita mamugos kung dili kalawaton ang atong ideya kay duna may giingon nga "everyone is entitled to his/her own opinion."
Busa, tungod kay lain-lain man kita'g hunahuna, ato na lang huwaton ang resulta sa series ug "May the best team wins."
MIRETIRO NA SI MIGHTY MOUSE. Isang-at na ni Jimmy Alapag ang iyang jerseys tungod kay miretiro na siya.
Gipahibalo ni Alapag nga opisyal na niyang gitapos ang iyag career sa PBA uban sa Talk ‘N Text Tropang Texters. Iya kining gipahibalo sa wala pa ang Game 2 sa 2014 PBA Philippine Cup Finals.
Mitambong ang iyang mga ginikanan sa seremonyas pagsang-at o pagbitay sa iyang jerseys (uniporme) ug diha sa iyang kilid ang PBA Chairman nga si Pato Gregorio.
Tungod kay dili na man siya moduwa, moserbisyo na lang si Alapag isip team manager sa Talk 'N Text ug mahimo na siyang assistant coach ni Tab Baldwin alang sa Gilas Pilipinas. Ning paagiha, makalarga-larga lang gihapon si Alapag ug iya pang matudloan ang mga batan-ong players sa Gilas sa mga pamaagi sa basketball.
Gipahibalo na sab ni Alapag ang iyang mga teammates sa Tropang Texters sa iyang pagretiro atol sa ilang praktis kaniadtong Biyernes alang sa umaabot nga 2014 PBA Commissioner’s Cup karong Enero 28.
Si Alapag napiling 10th overall pick sa 2003 PBA Draft diin si Mike Cortez maoy no 1. pick. Siya maoy napiling PBA Rookie of the Year niadtong tuiga.
Napili na sab siyang Best Player of the Conference ug Finals MVP niadtong 2011 PBA Commissioner’s Cup. Iyang nakabot ang labing taas nga pasidungog sa kalibotan sa basketball isip player dihang napili siyang PBA Most Valuable Player.
Sa iyang 12 ka season sa PBA, si Alapag kinsa nailhan sa angga nga The Mighty Mouse adunay career nga 502 games diin nag-average siya'g 12.98 points, 4.16 rebounds ug six assists per contest.
Sakop sab si Alapag sa 2014 FIBA Basketball World Cup team nga miduwa didto sa Spain ug sa 2014 Incheon Southeast Asian Games.
MISCELLANEOUS. Welcome back to Cebu, the Domingo Family from Seattle,Washington.My aunt Mrs. Adelina G. Domingo and her two married daughters---Evangeline "Vangie" Domingo Keefe and Cynthia "Cindy" Domingo Owens and Cindy's son Malik are in Cebu for a vacation and to pay homage to the Sto. Niño in Poro, Camotes whose fiesta falls every third Friday of January, this year will be on January 15-16 and to the Sto. Niño in Cebu whose fiesta will be on Sunday, January 18. They are also scheduled to visit the Virgin of Simala Shrine and the Blessed Pedro Calungsod Shine near our house in Mambaling. They're going to Poro tomorrow amidst a very tedious journey from Seattle via Incheon, South Korea on a very delayed flight. They arrived at the Mactan-Cebu International Airport (MCIAA) that it took them a five-hour flight from Korea to Cebu. Traditionally if they come home after the Christmas season, they still find ways to give "pasalubong" to their relatives. And when my 82-year-old auntie , a former First Seattle Bank teller told me Dog, sorry I forgot to bring a gift for you... my retort , "never mind Tiya. I'm having my job. The most important gift for me is your physical presence" and my Tiya Ade smiled.