CEBU, Philippines - Miiskor og tag-26 puntos silang Chris Paul ug Blake Griffin alang sa Los Angeles Clippers nga mipilde sa Miami Heat, 110-93 sa ilang duwa sa NBA kagahapon didto sa American Airlines Arena sa Miami, Florida.
Si DeAndre Jordan midugang og 12 puntos uban ang 11 ka rebounds alang sa Clippers, kinsa naghupot na karon og 7-4 nga baraha.
Si Chris Bosh, kinsa mikamada og 28 puntos maoy nangu sa napildeng Heat. Ang Heat nahiagum sa ilang ikatulong sunod-sunod nga pilde nga maoy unang higayon sukad niadtong Marso 3-8, 2011.
Ang rookie reserve nga si Shabazz Napier mihimo’g season-high 17 puntos alang sa 6-6 nga Heat.
Sa laing duwa, napilde sa Sacramento Kings ang Chicago Bulls sa iskor, 103-88 didto sa Sleep Train Arena sa Sacramento, California.
Si DeMarcus Cousins maoy nangu sa Kings sa iyang 22 puntos ug 14 ka rebounds, samtang si Rudy Gay miamot og 20 puntos aron maputol ang six-game road winning streak sa Bulls.