CEBU, Philippines - Ang dakbayan sa Lapu-Lapu mopahigayon na sab og laing marathon sa Nobiyembre 30 nga magsugod ug matapos sa Lapu-Lapu City Hall grounds.
Pagaulohan og “The Historic Resort City Marathon 2014”, ang kalihukan usa sa mga highlights sa tinuig nga kapistahan sa Lapu-Lapu City.
Ang kalihukan nga nagdala sa tema: Dagan Para sa Kahimsog, Kahapsay, Kalinaw, adunay upat ka kategoriya -- 21K half marathon, 10K, 5K ug 3K fun run
Nagsugod na ang registration diha sa Lapu-Lapu City Hall, Lapu-Lapu Tourist Police office, Runnr, The Athlete’s Foot ug Planet Sports sa Ayala Center-Cebu, ug Planet Sports sa Pueblo Verde sa Mactan.
Ang registration fee nagkantidad og P1,200 alang sa 42K, P900 sa 21K, P550 sa 10K, P450 sa 5K ug P350 sa 3K libre na niini ang singlet, race bib, post race refreshments ug finisher’s medal.
Ang tanang 42K finishers makadawat og souvenir shirt.
Ang pagkuha sa race kits gitakda sa Nobiyembre 24-29 didto sa Lapu-Lapu City Hall ug sa Runnr sa Ayala Center-Cebu.
Alang sa dugang pa nga mga pakisayod, mahimong mokontak ni Lulu Valiente sa 0922-8047283. (BANAT NEWS)