CEBU, Philippines - Pulos nangapilde ang Filipino MMA fighters nga sila si kanhi Filipino boxing champion Ana ‘Hurricane’ Julaton ug ang Sugbuanong si Vaughn ‘Spawn’ Donayre batok sa mga langyaw nilang kaatbang sa ONE Fighting Championship sa miaging gabii didto sa Dubai.
Si Julaton napukan ngadto ni Malaysian Ann Osman human sa tulo ka hugna nilang pagbinayloay og sukmag patid.
Kini ang unang pilde ni Julaton sa MMA human usab siya midaog sa iyang MMA debut niadtong Mayo batok ni Aya Saed.
Sa iyang bahin, ang kanhi Yaw-Yan ArDigma Cebu ug DEFTAC Cebu fighter nga si Donayre napukan sab ngadto ni Brazilian Jiu-jitsu expert Mohamad Walid. Si Walid midaog pinaagi sa first round arm-bar. (BANAT NEWS)