Donkey Sanchez maoy bida sa MX-R LS 3rd episode

CEBU, Philippines -  Ang  diehard rider nga si Donkey Sanchez mao na sab ang molugwa sa third episode sa MX-R LS (Motocross Rider Life  Story), ang bag-ong segment sa MS Motosuit Motocross TV series nga ipasalida sa CCTN 47 matag  adlaw nga Sabado gikan sa alas-10 hangtod sa alas-10:30 sa buntag.

Ang replays sa senemanang pasundayag gitakda sa adlaw’ng Domingo gikan sa alas-10:30 hangtod sa alas-11:00 sa gabii.

Si Sanchez kanunay modaog sa matag lumba nga iyang apilan, dili lang dinhi sa Sugbu, apan sa nagkalain-laing suok sa Visayas ug Mindanao.

Mao kini naghatag kaniya’g dalan nga mahimong usa sa mga  top executive riders sa Sugbu.

Matud pa ni MS Motosuit big boss Lou Ornopia, nga si Sanchez usa ka tinuod  nga warrior sud sa racetrack.

Lain pang ipasundayag mao ang labing bag-o nga lumba sa MS Motosuit.