CEBU, Philippines - Mikatkat sa unang dapit ang MJDL Brokers human ilang gilubong ang Rongcales Brokers, 97-78 sa nagpadayong 2nd BOC-CIPU basketball tournament didto sa barangay Tinago gym, ning dakbayan.
Sa laing duwa, gilubong sab sa Avenido Brokers ang Alin Brokers, 89-70 aron mopahiluna sa ikatulong pwesto sa ilang 4-1 nga baraha.
Nabalikan sa iyang maayong pulso ang tirador sa MJDL Brokers nga si Noel Medalle diin miposa siya'g 17 puntos aron tabangan ang iyang koponan pagkulit og 5-0 nga baraha.
Laing lima ka MJDL ang miiskor sab og double figures. Si Dandan Enriquez mibahog og 14 puntos, si Nico Laborte miamot og 13 puntos, samtang sila si Michael Amistoso ug Beking Rollon adunay 12 ug 11 puntos matag usa ug si Rex Bensi mitampo'g 10 puntos.
Medyo balanse sab unta ang opensa sa Rongcales, apan mas menos ang suporta sa uban nilang magduduwa.
PUNTOS MATAG USA
Unang duwa:
MJDL (97) – Medalle 17, Enriquez 14, Laborte 13, Amistoso 12, Rollon 11, Bensi 10, Villacastin 7, Cayanong 7, Elloren 6.
Rongcales (78) – Berame 20, Montejo 18, Piñar 13, Davila 10, Mabangue 10, Rongcales 4, Managbanag 3.
Ikaduhang duwa:
Avenido (89) – Dungog 21, Villa 14, Tan 9, Jordan 7, Avenido 7, Pangan 6, Mompar 6, Arevalo 5, Sumabong 4, Elorde 4, Menino 2, Laraga 2, Ponte 2.
Alin (70) – Barral 16, Estorgio 15, Lleve 13, Tradio 7, Quiros 4, Alin 4, Nudalo 3, Alimoren 2, Baltonado 2.