CEBU, Philippines - Nagpanikad na ang mga Sugbuanong seklista alang sa Duraman Bikefest nga gikatakda sa Hunyo 15 didto sa The Ranch sa dakbayan sa Toledo.
Ang lumba naglangkob sa standard ug sprint distance.
Ang Olympic distance mosubay og 10-kilometer run, 40km bike ug laing 5km run, samtang ang sprint distance katunga sa kinatibuk-ang distansya sa maong kalihukan.
Labaw pa niini, ang mga partisipante ubos sa sprint distance mahimong mopili sa tulo ka klase sa biseklita sama sa road or tri-bike, usa ka mountainbike or folding bikes.
Sa laing bahin, ang standard distance, usa ka open category. Ang mga partisipante adunay option kun unsa nga matang sa biseklita ang gamiton.
Aduna kini registration fee nga P1,600 alang sa standard distance ug P1,300 sa sprint, libre na ang souvenir t-shirt.
Mahimong moparehistro sa Rudy Project sa Ayala Center-Cebu o di ba sa online pinaagi sa http://www.sugbutriathlon.com/.
Ganting salapi, tropeyo ug medalya ang madawat sa top performers sa maong kalihukan nga gipasiugdahan sa Go Active Marketing and Events sa abag sa local government unit sa Toledo ug sa The Ranch Resort. (BANAT NEWS)