CEBU, Philippines - Andam na ang tanan alang sa 35th Halad Kang Mano Amon Run, ang labing karaang lumba sa Sugbu, karong Domingo didto sa dakbayan sa Danao.
Ang maong lumba ipahinungod sa giilang "Grand Old Man of Danao" nga si Ramon 'Mano Amon' Durano Sr.
Ang lumba gibahin sa 3K, 6K ug 12K categories. Ang mga partisipante gibahin ngadto sa nagkalain-laing dibisyon nga naglakip sa men’s ug women’s open, all-Danao residents, executives ug school entries.
Libre ang registration niini, apan mihangyo ang mga organizers ang mga partisipante mahimong mo-donate og construction materials.
Ang mga construction materials ihatag ngadto sa mga nabiktima sa bagyong "Yolanda" sa amihanang bahin sa Sugbu.
"We don't have registration fees because that’s what Papa Amon wants, but we are asking for those participants who can donate any building materials for our brothers in Northern Cebu ravaged by Yolanda," matud pa ni race director Oscar 'Boying' Rodriguez, usa sa mga apo ni Mano Amon.
Kapin sa P70,000 nga ganting salapi ug medalya ang gitagana alang sa mga mananaog sa matag kategoriya. (BANAT PALARO)