CEBU, Philippines - Nagbinayloay sa korona ang Black ug Yellow teams atol sa ikalimang anibersaryo sa Bulacao Basketball Association (BBA) Cyber Forty 2013 basketball tournament niadtong Huwebes didto sa Visata Grande covered court sa barangay Bulacao, Talisay.
Ang Black ni Reboy Mahilum mipukan sa Yellow ni BBA president Romeo Batiola, 83-73 aron sakmiton ang kampiyonato sa 40-above category, samtang mibawos sab ang Yellow dihang ilang gipilde ang Black, 68-67 aron maghari sa 46-above division.
Sayong nakauna ang Black sa pagtambayayong nilang Junjun Cambaya ug Reboy Mahilum aron moposte og 23-10 nga bentaha.
Misikit unta ang Yellow ngadto na lang sa nuybe puntos kortesiya nilang Junjun Abellana ug Allan Manzano, apan ang Black nanginit og maayo sa fourth period aron modaog og 10 puntos.
Si Allan Bioderos nga miposa'g mga crucial baskets sa fourth period maoy nangu sa Black sa iyang 19 puntos, gisundan nilang Cambaya ug Mahilum nga adunay 18 puntos matag usa.
Ang Yellow gipangulohan ni Abellana pinaagi sa iyang 28 puntos.
Sa laing bahin, si Etit Bucao maoy nahimong bayani sa Yellow human niya mapasulod ang iyang tirada sa nahabiling kuwatro segundos sa duwa. Gawas sa iyang pagkabayani, siya usab ang nangu sa kadaugan nga mitusak og 20 puntos. Si Ruben Abellano mitampo'g 15 puntos.
Sila si Joven Miting ug Barry Bucao mao usab ang nangu sa Black nga nagkumboya og 24 puntos.
Si Mahilum maoy napiling MVP sa 40-above category, samtang si Bucao sa 46-above division. Si Reynaldo Alicante maoy napiling Cyber Forty Model of the Year 2013. (BANAT NEWS)
PUNTOS MATAG USA
Unang duwa:
(40-Above)
BLACK (83) - Bioderos 19, Mahilum 18, Cambaya 18, Gensor 8, Cabañero 8, Pacquiao 4, Cañete 2, Torentra 2, Loquillano 2, Basnillo 2
YELLOW (73) - Abellana 28, Manzano 11, Gallores 7, Sayaboc 4, Batiola 4, Villarosa 3, Tanilon 3, Nadera 3, Bayla 2, Abellana 2, Sumalinog 2, Abadies 2, Cabarrubias 2
Ikaduhang duwa:
(46-ABOVE)
YELLOW (68) - Bucao 20, Abellanosa 15, Melano 9, Balansag 8, Andrade 5, Bacus 2, Saura 2, Geraldino 2, Batobato 2, Go 2, Ofril 1
BLACK (67) - J. Miting 14, Bucao 10, Lirazan 7, Cartagena 6, S. Miting 6, Amanda 5, Adoro 4, Abe 3, Cabañero 2, Gulay 2, Hipolito 1