CEBU, Philippines - Sugdan karong Sabado ang 1st Masters Athletics Invitational Championship diha sa Cebu City Sports Center
(CCSC).
Ang kompetisyon salmotan sa mga kanhi atleta gikan sa Baguio City, Pangasinan, Marikina, Taguig ug Manila
lakip na ang kanhi Olympian ug Southeast Asian Games athletes sa nasud.
Magtigi ang mga partisipante sa track and field events sama sa 100m, 200m, 400m, 800m, 1500m, 5000m,
10000m, 4x10m, 4x40m, 500m walk, high jump, long jump, triple jump, pole vault, shot put, discus throw, javelin
throw ug hammer.
Ang top three placers sa men’s ug women’s categories sa matag event makadawat og medalya.
Niadtong mga atleta nga interesadong mosalmot, mahimong magparehistro sa CCSC ug sa Runnr. Aduna
kini registration fee nga P250 sa matag event ug P400 alang sa relay event. (BANAT NEWS)