CEBU, Philippines - Milampos ang defending champion GMA-7 Kapuso sa pagsakmit og laing korona human nila giharus ang The Freeman-Cebu Daily News (CDN) Red Shamans ,79-70, sa Game-2 sa ilang ‘best-of-three’ finals series sa 2013 Newsmen Basketball Association of Cebu (NBAC) kagahapon didto sa Cebu Eastern College (CEC) gym.
Gikan sa dos puntos nga labaw sa first period, 26-24, gipauwanan og puntos sa GMA-7 ang Red Shamans sa second half aron inaton ang labaw ngadto sa double digits.
Misuway paggukod ang Red Shamans, apan hingpit na silang gibiyaan sa GMA-7 nga milabaw hangtud sa 22 puntos sa third period.
Nangulo sa GMA-7 si Gabriel Bonjoc nga mitira og 18 puntos, samtang si Renante Quiñones ug Joel Pantino miposa og 12 ug 10 puntos matag usa. Si Jun Solon ug Godfrey Rellin nagkumboya og 16 puntos.
Sa ilang bahin, ang Freeman-CDN gipangulohan ni Jonas Panerio sa iyang 25 puntos, gisundan ni Manny Villaruel nga miiskor og 12 puntos.