Sogod triathlon race gitakda sa Hulyo 21

 CEBU, Philippines - Kasado na ang pagpahigayon sa 2013 Sogod Mayor Moonyeen Durano-Streegan Triathlon Cup nga gitakda

sa Hulyo 21 didto sa Alegre Beach Resort sa amihanang bahin sa Sugbu.
 Naglatid kini sa sprint ug standard distance. Ang sprint mokober og 750-meter swim, 20K bike ug 5K run,

samtang ang standard nga adunay individual ug relay category mosubay og 1.5-kilometer swim, 40K bike ug 10K run.
 Ang organizers mohatag og diskuwento diin ang moparehistro sa dili pa ang Hulyo 16 mobayad lang og P800,

samtang ang molapas sa maong petsa hangtod sa Hulyo 19 makabayad na og P1,000.
 Tanang finishers makadawat og souvenir shirt, medal, certificate ug lunch atol sa awarding.
 Ang overall top three male ug female finishers sa standard race mobulsa og unipormeng ganting salapi nga

P5,000, P3,000 ug P2,000, samtang ang top performers sa sprint event makadawat og mga relo, ang second placers

makaangkon og sunglass ug ang third makakuha'g bags gikan sa Rudy Project.
 Ang lumba ning tuiga, gipaluyohan sa Alegre Beach Resort and Spa, Governor Junjun Davide, Vice Gov.

Agnes A. Magpale, Smart Communications, Congressman Ace Durano, Rudy Project, PB Member Miguel  Magpale,

Jude Sybico ug Ivy Durano-Meca, Sogod Mayor Moonyeen Durano Streegan, Hon. Jude Sybico, Borbon Mayor Butch

Sepulveda, Danao City Sports Commission, Dan’s Bike Shop, Runnr sa Ayala, The Brick Bike Shop, Cebu TV–Ato Ni,

Habagat–The Outdoor Shop ug sa Triathlon Association of the Philippines (TRAP) pinaagi ni  Oscar 'Boying' R.

Rodriguez Jr. (BANAT NEWS)