GMA-7 daog batok sa Freeman-CDN

CEBU, Philippines - Ang GMA-7 Kapuso mao nalang ang bugtong koponan nga way pilde human nila gipukan ang karibal nga The Freeman-Cebu Daily News (CDN) Red Shamans, 88-80, sa Newsmen Basketball Association of Cebu (NBAC) 2013 Season kagahapon didto sa Cebu Eastern College (CEC) Gymnasium.

Si Godfrey Rellin mipabuto og 25 puntos, samtang ang reigning MVP nga si Gabriel Bonjoc mitira og 21 puntos alang sa GMA-7 kinsa miselyo na sa ilang automatic semifinals berth sa maong torneyo.

Dili hinuon sayun ang giagian sa GMA-7 tungod kay milusad og bangis nga scoring rally ang Red Shamans sa third quarter, apan nagpabilin ang konsentrasyon sa koponan alang sa otso puntos nga kadaugan.

Si Jonas Panerio maoy leading scorer sa The Freeman-CDN sa iyang 41 puntos, gisundan nila ni Peter Romanillos ug Calvin Cordova nga adunay 14 ug 13 puntos matag usa.

Sa sayo pa, nakuha sa  Sunstar Daily-Bombo Radyo ang labing una nilang daog sa torneyo pinaagi sa 70-61 nga kadaugan batok sa CCTN-47.  Si Philip Cerojano maoy nangulo sa Sunstar Daily-Bombo Radyo sa iyang 34 puntos, samtang midugang og 12 puntos si Juril Patiño.

PUNTOS MATAG USA:

Unang duwa:

GMA-7 (88) - Rellin 25, Bonjoc 21, Pantino 17, Solon 13 Quinones 12, Magdadaro 10

The Freeman-CDN (80)-  Panerio 41, Romanillos 14, Cordova 13, Navarro 4, Maglinte 2, Rosal 2, Banaynal 2, Mayol 2

Ikaduhang duwa:

Sunstar-Bombo Radyo (70) – Cerojano 34, Bayking 22, Patiño 12, Lucaban 2

CCTN (61)- Quimod 26, Alcoreza 21, Delcoro 7, Ligan 5, Sayago 2, Cabarles 2— (BANAT PALARO)