CEBU, Philippines - Magtigi na ang 600 ka players sa ipagahiyong Barangay Councilors League of the Philippines (BCLP)-Cebu
City Chapter Bowling Tournament karong adlawa sa alas-8:30 sa buntag diha sa SM City-Cebu Bowling Centre.
Ang mga partisipante bahinon ngadto sa 104 ka teams diin ang matag koponan adunay unom ka miyembro.
Mokabat ngadto sa P50,000 nga ganting salapi ang giandam alang sa mga mananaog ning usa ka adlaw nga
kompetisyon nga tipik sa ilang 1st BCLP-Cebu City Chapter General Assembly nga gitakda karong alas-5 sa hapon diha
sa SM Trade Hall.
Sa dili pa ang tournament proper, adunay pagahimuon nga opening ceremony nga pagatambungan ni BCLP
national president Franklyn O. Ong ug executive vice president Reynaldo C. Zamora.
Sa laing bahin, ang mga sakop sa working committee sa nahisgutang kalihukan mao si Garry B. Lao
(program), Reynaldo Zamora ug Rex Y. Millan (food/drinks), Jonilo C. Yap, Mark Jones N. Dela Cruz ug Joel O. Sadaya
(general services), Rey M. Francisco, Sidney A. Tabucal, Eduardo G. Cabulao Sr. ug Oliver E. Ocampo (production),
Jonilo C. Yap ug Reynald C. Lauron (finance) ug silang Eusebia A. Eslanan, Joan E. Babayson, Oliver E. Ocampo ug
Raffy C. Briones (secretariat/registration). (BANAT NEWS)