Pabiling kampiyon si Canadian Mixed Martial Arts (MMA) superstar George St.Pierre human niya gilupig ang Amerikanong si Nick Diaz kagahapon didto sa Canada.
Si St.Pierre kinsa midaog pinaagi sa five-round unanimous decision batok ni Diaz midepensa sa iyang Ultimate Fighting Championship (UFC) welterweight title.
Upat ka Pinoy boxers naka-gold
Mikabkab og upat ka bulawang medalya ang mga Filipino boxers sa bag-o lang natapos nga 2013 ASBS Asian Confederation Youth Boxing Championships didto sa Subic Gym.
Kini mao sila si Jade Bornea, Eumir Marcial, James Palicte ug Ian Clark Bautista kinsa gipaabot nga morepresentar sa nasud sa world championship.
Maxian midaog didto sa Japan
Ang Filipino boxer nga si Jose Maxian mao karon ang bag-ong WBC Youth lightweight championship human niya gi-TKO sa seventh round ang Hapon nga si Tsukasa Saito didto sa Korakuen Hall sa Japan.
Ang 21-anyos nga si Maxian kinsa produkto sa Elorde Stable mipalambo sa iyang rekord ngadto sa 9-2, 7KOs.