CEBU, Philippines - Ang Japanese triathletes maoy nanghawod sa 1st Captivating Camotes Triathlon sa miaging adlaw didto sa Santiago Bay sa San Francisco, Camotes Island.
Ang 37-anyos nga si Nishiuchi maoy midaog sa men’s premier dihang gihuman niya ang 1.9k swim, 60k bike ug 15k run sud sa upat ka oras, otso minutos ug 20 segundos.
Mi-okupar sa ikaduha ang Bol-anon nga si Emmanuel Commendador sa oras nga 4:11:08, samtang si Philip Duenas mipuwesto sa ikatulong dapit sa oras nga 4:15:13.
Sa laing bahin, ang 37-anyos nga si Yukiko Koike sa Japan, mao usab ang labing paspas sa women's division nga mitapos sa lumba sud sa upat ka oras, 36 minutos ug 20 segundos.
Sa standard distance, midaog sa men’s division si Mernie Gomez human niya gitapos ang 1.5k swim, 40k bike ug 3k run sud sa oras nga 3:23:20. Gisundan ni Jesson Cuyos (3:45:53) ug Rico Petallar (4:03:01) alang sa ikaduha ug ikatulong dapit. Samtang sila si Fumi Ogana (4.11:13) ug Atsuko Iwamatsu ((4.36:23) sa Japan maoy miangkon sa unang-duha ka dapit sa women’s class.
Sila si Ramie Lawas (1:57:34) ug Doreen Jabinez (2:35:48) maoy nanghawod sa sprint distance, samtang ang trio nila ni Jieter Bada, Rey ug Fernando Berbesada nag-una sa relay event.
Si Danikah Jabinez, Mikele Jopson, Johana Maloloy-on ug MC Justin Hernandez maoy nag-una sa superkids division. (BANAT SPORTS)