ABS-CBN UG viu subling mag-alyansa

CEBU, Philippines — Adunay giluto nga bag-ong  partnership ang ABS-CBN Entertainment ug Viu aron i-produce ang local adaptation sa  sikat nga romantic-comedy series sa  CJ ENM nga “What’s Wrong With Secretary Kim.”

Pinaagi sa produksyon sa  Dreamscape Entertainment, mao kini ang ikatulong  adaptation sa  ABS-CBN ug  Viu alang sa usa ka  top rating international format. Una sila nga  nag-partner sa “The Broken Marriage Vow” ug  “Flower of Evil.” Ang  Kapamilya stars nga sila si  Kim Chiu ug Paulo Avelino  maoy mga bida sa  “What’s Wrong With Secretary Kim” .

Ang karakter nila ni Secretary Kim ug  Mr. Vice-Chairman kay  orihinal nga gidala  nila ni Park Min-young ug Park Seo-joon.

“We extend our heartfelt thanks to Viu for once again placing their trust in ABS-CBN as we embark on yet another exciting partnership. We are thrilled to bring the Philippine adaptation of a popular K-Drama series to our viewers as we also showcase the Filipino talent across the world,” saysay pa ni  Cory Vidanes, ABS-CBN COO of broadcast.  Gihangop sa Viu ang subli nila nga panag-uban sa ABS-CBN. “Offering content that resonates with our markets is key to what we do here at Viu. We are excited to work, once again, with our trusted partner ABS-CBN Entertainment, with Dreamscape at the helm of production in delivering this title to our Viu-ers in the Philippines and across the region. As our third collaboration together we look forward to its success not just in the Philippines but across all our markets,” suma pa ni Marianne Lee, Chief of Content Acquisition and Development sa  Viu.

Nilakra ang kilig sa  viewers sa “What’s Wrong With Secretary Kim” sa dihang gi-ere kini sa South Korea niadtong 2018.

Gipaabot nga mosikad karong 2024 ang remake sa  “What’s Wrong With Secretary Kim” .

Taylor nanghakot og awards

Nanghakot og mga pasidungog  si Taylor Swift sa bag-ohay lang nga  Billboard Music Awards 2023 kun diin 10 gyud ka mga  tropeyo ang nadawat sa singer .

Nakuha niini ang pasidungog nga  Top Female Artist, ug napili pud nga Top Selling Song ang awit niya nga “Anti-Hero.”

Siya usab ang nakalangkat sa   Top Hot 100 Songwriter, Top Radio Songs Artist, Top Song Sales Artist, Top Billboard Global 200 Artist, Top Billboard Global (Excl. U.S.) Artist, Top Country Female Artist ug  Top Billboard 200 Album alang sa  “Midnights.”  Sa niaging buwan , nagmalampuson ang pag-release ni Taylor sa  re-recorded version sa iyang 2014 album nga “1989 (Taylor’s Version)"  ug pipila sa unod niini kay ang  "Blank Space," "Style," "Shake It Off," ug  "Bad Blood."