Mga lawasnong buhat sa kaluoy

Hapit na usab ang pangilin sa Diosnong Kaluoy. Mao tukma usab nga atong pamalandongan kun unsa man kining mga sukaranang mga buhat sa kaluoy nga lawasnon kun corporal works of mercy matud pa. Kini Naglambigit ning mosunod:

1. Pagpakaon sa mga Gigutom. Kaanindot gyud unta nga kuyog sa atong mga feeding programs anaa usab ang mga pamaagi aron mapakaon ang atong mga hunahuna ug kasing-kasing sa mga pagtulon-an nga Diosnon ingon man ang mga sukaranang pagtulon-an sa Simbahan. Mas maayo nga himsog ang lawas ingon man ang kalag.

2. Pagbisti sa mga hubo. Dili lang sa literal nga paghatag usab og mga bisti alang sa mga walay masul-ob kondili ang pagpaningkamot usab nga ang matag usa makasinati sa dignidad nga gikinahanglan sa matag usa ingon nga tawo.

3. Pagbuhat og kapasilongan sa mga walay pinuy-anan. Inabagan sa mga husto nga ahensiya pagatukoron dili lang ang pinuy-anan kondili usab ang katilingban. Building Homes, Building Communities.

4. Pagduaw sa mga Masakiton. Dili sa tanang panahon gikinhanglan ang tambal aron maayo ang balatian. Dunay mga panahon nga gikinahanglan usab ang presensiya nga sarang makahupay kanila nga anaa sa mga tambalanan.

5. Pagduaw sa mga Binilanggo. Ang presensiya sa mga magtutuo nga moduaw sa mga binilanggo dako na kaayo og kahimoan nga masinati nila nga nakasala sa balaod ang presensiya sa Dios taliwala sa ilang mga salaod nga nahimo.

6.Paglubong sa mga Minatay. Ning paagiha nahimong mas konkreto ang atong paghigugma dili lamang sa mga buhi kondili usab sa mga patay.

Mga sukaranang balansayon kini nga atong nakalimtan sa kasamtangan. Kini tungod kay gihimong komplikado nato ang tanan.