Dear Atty. Divine,
Adunay yuta nga gipanag-iya ang among mga ginikanan. Residential lot kini ug conjugal property. Apan sa dihang nagtrabaho ako sa Assessor’s Office, akong nadiskobrehan nga na-transfer na diay sa laing tawo ang maong property pinaagi sa Deed of Sale nga wa mi makahibawo’ng mga anak. Akong gipangutana ang akong mga ginikanan kun nganong na-transfer ang property, matud nila nga tungod daw sa ilang utang sa dihang na hospital ang akong amahan. Sa dihang nasayud ang usa nako nga igsuon nasuko siya. Ang akong pangutana, mamahimo ba diay nga mabaligya ang conjugal nga property sa among mga ginikanan nga way pagtugot namong mga anak? Daghang salamat. -- Jess
* * *
Dear Jess,
Basi sa atong balaod, ang katungod sa mga anak nga mo-inherit sa property dili pa kini mo-epekto samtang buhi pa ang mga ginikanan. Buot ipasabot nga ang bisan unsang property nga gipanag-iya sa mga ginkanan samtang buhi pa sila, way katungod ang mga anak nga manghilabot niini. Busa, ang akong tubag sa imong pangutana, samtang buhi pa ang imong parents mamahimo nilang ibaligya ang property nga di na magkinahanglan og pagtugot ninyong mga anak. Thank you and God Bless!
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.