Katekesis no. 86

Si Jesus Wala Nila Dawata

Binasi: Mk, 6;1-6

Sa dihang nihimo na unta si Jesus ug milagro, daghanan sa iyang mga mga katagilungsod ang nagdumili sa pagtuo kaniya ug  sa iyang mga pagtulon-an. Kini tungod kay sila NAKAILA man Kaniya. Alang kanila malisod man ang pagdawat nga ang anak sa panday ang mohimo sa ingon. Tungod niini, igo lang gitapion ni Jesus ang iyang kamot aron ayohon ang pipila ka mga masakiton. Natingala si Jesus sa  pagkadiyotay sa ilang pagtuo. Yano siya nga tawo ug walay espesyal nga anaa kaniya.

Sa atong kinabuhi karong adlawa, daghanan ang sa hinayhinay wala na modawat ni Kristo Jesus ug sa iyang pagtulon-an. Ang rason tingali dunay kalambigitan sa pagkawala sa misteryo sa atong gisaulog. Ang pagkinabuhi ug pagsaksi sa mga ministro niini. Sa ato pa nahimong sukwahi ang ilang pagkinabuhi. Ang uban nakalimot sa tradisyon ug buot sabton nga sila ang makahimo paghulip sa bisan unsang gisugdan sa Dios.

Dili pa lang dugay, dunay taga Austria nga magtiayon nanuroy. Nakahisgot silang Papa Benedicto. Alang nila si Papa Benedicto kay konserbatibo maoy nagdala og problema. Ako siyang giingnan nga si Francisco ug ang iyang mga hinanib liberated mao nga problemado gihapon. Ang Synodal Path nga buot subayon ning mga nasura ang malisod kaayo dawaton labina kun maghisgot kita sa buot nilang mahitabo dako man gyud kaayong supak bisan kun maghisgot kita sa natural law.

Usahay ang naghinobrang kalantip sa tawo maoy makapahimo niyang mapugsanon aron ipamugos ang iyang giisip nga maayo. Imbis kita ang gilalang sumala sa dagway ug kasamahan sa Dios, ang Dios naman hinuon ang mag-agad sa atong kapritso.