Salamat, madayon na gayud ang BRT

Atong makita nga ang center island sa Osmeña Boulevard gihawanan na sa mga ornamental plants, timailhan nga gisugdan na ang civil works sa Bus Rapid Transit (BRT) project sa dakbayan sa Sugbo.

Hinumdoman nga ang atong $116,000 million nga loan alang ning mong proyekto giaprobahan sa World Bank niadto pang September 26, 2014, sa ato pa, dugay-dugay gayod ang atong paghuwat.

Kadaghan na kita maghata-hata nga sugdan na, apan, adunay mga misuapk sa hinungdan nga sila ray nasayod. Duna ganiy misugyot nga -scrap ang maong proyekto, sa hinungdan nga sila ra usab ang nasayod. Maayo man gani kay hugot kaayo ang  pagduso ni Mayor Mike nga idayon gayud ang BRT.

Ang giingon nga ‘closing date’ sa loan kutob lang sa Hunyo 30, 2021. Apan ang DOTr mi-request for a two-year extension gumikan sa pandemic.

Apan, kon wa ko masayop, diha na may atong mga requests for extension sa wala pa ang  pandemic, kay among others nagsige na ang pagpatong sa interest.

Anyway, ang ground breaking o pagsubo sa BRT na-schedule unta karong buwana, apan gumikan sa kahigpit sa schedule ni Presidente BBM wala kini matuman.I-schedule na usab kini’g laing petsa, lagmit sa sunod buwan na.

Apan, sa ako nang giingon, arang-arang na lang kay gisugdan na ang civil works niini, matud ni

Cebu BRT project overseer and South Road Properties manager Engr. Bo Varquez, sa iyang gisugid ngadto sa The Freeman.

“Until now, wa pa ma-finalized. Nag-istorya sila si Mayor Rama ug Secretary Jaime Bautista sa DOTr. He was informed nga i-finalize nila kay bag-o man silang abot gikan Switzerland.  I think within the week, we can get the final schedule na,” nagkanayon si Varquez.

Alang nako, OK lang nga malangan ang ground breaking, basta sugdan na lang gayud in full  blast, ang pagtrabaho sa dugay nang natanggong nga BRT project.

Magpasalamat diay kita kanila ni kanhi Presidente Digong Duterte, ug BBM sa ilang pagpadayon niining maong proyekto. Ang nakadaug sa bidding mao Hunan Road and Bridge Construction Group Ltd., alang sa phase 1 sa proyekto won the contract for the Phase 1 of the Cebu BRT project. Maora’g familiar kaayo ang dapit o pulong ‘Hunan.’

Unsa may trabahoon sa phase 1? “The almost P1 billion contract will be for the construction of the BRT infrastructure, including trunklines, sidewalk improvements, stations, and an urban realm enhancement, consisting of a link to the port, along Osmeña Boulevard, among others,” katin-awan ni Varquez.

Sa mga hulagway, nindot kaayong tan-awon ang BRT, hinaut nga mao usab kinni unya ang atong makita inig ka human sa trabaho. Manghinaut usab kita nga makatabang kini pagsulbad sa sulirann sa trapiko. Aduna ra bay kabalaka ang uban nga ang BRT dili mohaum sa atong siyudad gumikan sa kahagip-ot sa atong kadalanan ug sa kadaghang lumolupyo ug mga buildings, mga business establishments ang ang ma-apektohan sa proyekto.

Usa unya kini sa mga hinungdan sa dugang pagkalangan sa final implementation niini. I believe, however, natagad na kini sa mga project implementors.

Sa mga tambay pa: “Let us to wait and see.”