^

Banat Opinyon

Super lola misukol sa snatcher

SENIOR CORNER - Antolin dela Serna - Banat

Hitabo kini gawas sa atong nasud. Wa man maklaro sa akong clippings kon diin kini mahitabo. Lagmit sa America ni. Ang headline: “83-year-old woman foils purse snatcher.” Sa ato pa, usa ka nagpanuigon nga og 83 nga babaye misukol sa buot untang molunggob sa iyang purse o gamay nga bag nga dunay sling (sumala sa atong makita sa hulagway).

Ambot kon mahimo ba kini nato dinhi, bisan kanatong mga lalake. Ang mahitabo, ato na lang ihatag ang purse bisa’g pilay sulod nga kwarta, kay sa atong isugal ang kaseguroan sa atong lawas.

Ug ania: “An 83-year-old great-grandmother thwarted a would-be purse snatcher with a gas nozzle and an iron grip.” Nganong gas nozzle man?

Ug kining iron grip, nagpasabot nga kusgan pa siya, nga wa gyud niya buhii ang iyang bag nga matud niya, iyang gibaligyot pag-ayo ang sling niini sa iyang bukton. Imagine, nagbinirahay sila sa bag.

Ato lang siyang nganlan og Maritess (familiar?). Nagpatubil siya’g gasolina sa usa ka gas station, alang sa van nga iyang gisakyan (wa man maghisgot dinhi nga duna ba siyay driver). Most probably siya ang nag-drive (lupig ta).

Ania ang sugilanon: Samtang nagtubil siya sa gasolina (self-service – mao ni didto sa America, walay gasoline boy, suma sa atong makita sa mga movies). “A young man approached her in a gas station as she was buying fuel for her van and asked for money. When she told him she has spent all spare change on gas, he tried to grab her purse.”

Kining purse, sa ato nang giingon sa unahan, gamay kini nga handbag o, o shoulder bag. Nagbinirahay sila sa bag. Wa gyud kini niya buhii. Tapus sa hitabo, sa interview, si Maritess, nagkanayon:

“But I had wrapped it (the purse) around my wrist twice, and he was unable to pull it away.” Ngiga no? Sukol gyud. Unya, “she fought back, spraying his shirt with some gasoline. Both of them kept hold of the purse, and he pulled her to the ground and dragged her to a short distance until another  man confronted him.”

So, natumba ang tigulang ug giguyod sa lalake, sa diha nga adunay laing lalake (kauban tingali sa snatcher) ang miduol ug gibadlong ang snatcher ug gipabuhian ang babaye. Midali pagsakay ang lalake sa naghuwat nga sakyanan.

Ug alang sa atong kapolisan, “A witness got the license plate number, and minutes later (underscoring, mine), police stopped that the car. It has been reported stolen.” Gipa-identify ni Maritess ang sulod sa sakyanan nga kinawat.

Ang usa mao gayud ang misuway paglabni sa iyang purse. Samtang ang laing duha, gi-charged with robbery ug conspiracy. Dalia ra nasulbad ang krimen no?

Si, lola, komusta man? “Her son, a former firefighter, checked her out and found no broken bones.” Salamat na lang. Gipangutana siya sa iyang anak nganong wa na lang niya ihatag ang purse? Iyang tubag: “Hell no, that was my purse. I was fighting for what was mine.” Malditaha gyud ni Maritess uy! Ug komusta man diay ang atong mga Maritesses?

SNATCHER

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with