Adunay pending nga warrant

Dear Atty. Divine,

Naa koy pangutana labot sa akong ig-agaw nga gipasakaan og kasong rape.

Matud niya nga gibutang-butangan lang siya og dili gyud tinuod nga iyang gilugos ang biktima.

Aduna na siya’y warrant of arrest ug wa pa siya mo surrender kay mahadlok siya mapriso sa sala nga wa niya buhata. Unsa angay  niyang buhaton? Daghang salamat.

Gwen,

* * *

Dear Gwen,

Kun inosente ang imong ig-agaw kinahanglan nga iya kining probahan sa korte.

Ug dili kini niya mahimo kon dili siya mo surrender kay dili man makasugod ang trial sa kaso kon dili siya madakpan o mo surrender.

Busa ang maayo niyang buhaton mao ang pag surrender aron masugdan na ang trial sa iyang kaso og aron makapresentar siya og mga ebidensya nga mopamatuod sa iyang pagka-inosente.

Mas maayo nga mokuha sab siya og abogado nga maoy makadepensa kaniya sa korte.

Hinuon tungod kay ang kasong rape non-bailable hayan mapriso gyud siya samtang pending pa kin isa korte. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.