Katekesis No. 11
Si Kristo atong Hari
Pasiunang Pag-ampo
O Dios nga gamhanan ug maluloy-on/gibungkag mo ang gahum sa dautan ug gibag-o mo ang tanang butang diha sa imong anak nga si Jesukristo ang hari sa tanang kalibutan. Ang tanan sa langit ug sa yuta magsangyaw unta sa imong himaya ug sa walay hunong magdayeg kanimo. Kining tanan among gipangayo pinaagi Jesu-Cristo imong Anak nga Buhi ug Hari uban kanimo diha sa kahiusa sa Espiritu Santo. Dios nga usa hangtud sa kahangturan. Amen.
Biblikanhong Sukaranan
Salmo 28;10-11
Ang Ginoo naghari hangtud sa kahangturan ug naghatag ngadto sa katawhan sa iyang gasa sa kalinaw.
Pagtulon-an sa Simbahan (CCC 786)
Sa katapusan ang katawhan sa Dios niambit sa Harianong kinaiya ni Cristo. Gibansay ni Cristo Jesus ang pinaagi sa pagtawag sa tanang katawhan ngadto kaniya pinaagi sa iyang kamatayon ug pagkabanhaw. Bisan pa man kun siya ang Hari sa tibuok uniberso apan gihimo niya ang iyang kaugalingon ingon nga sulugoon alang sa tanan. Wala siya moanhi aron alagaran. Hinunoa nianhi siya aron moalagad alang sa kaluwasan sa tanan. Isip katawhan sa Dios ug iyang mga sumusunod atong tahas ang pag-alagad sa atong kaigsuonan.
Sa dihang gidihogan kita isip mga hari panahon sa atong bunyag gitawag na kitang daan sa pagpangalagad sa uban. ang Krus mismo mao man ang sukaranan ning maong panlantaw. Ang krus dunay duruha ka mga direksiyon.
1. Vertical Direction nga maoy pahimatngon sa atong relasyon ngadto sa Dios. Ang Dios wala magkinahanglan kanato kun buot hunahunaon apan tungod sa iyang gugma alang kanato gipadala niya ang iyang bugtong anak aron si kinsa kadtong motuo kaniya dili gayud mamatay kondili makabaton hinuon og kinabuhing walay katapusan. (Jn. 3;16). Kun kini ang tinubdan nga mao ang Dios mapaubsanon kita pud unta magpaubos.
2.Horizontal Direction nagdapit kanato sa pagpangalagad sa uban natong mga kaigsuonan nga nagkinahanglan kaayo kay kanato. Walay promotion ug demotion sa pagpangalagad.
Ang Hagit alang natong Tanan
1. Mangalagad kun mo serve gyud bisan pa man kun dili mabaslan. Sa pagtungha kita mo serve sa atong mga classmates, sa atong mga magtutudlo bisan pa man kun walay bugti nga medals o awards.
2. Atong isipon nga every time mo serve kita sa uban si Kristo ang atong gialagaran pinaagi kanila. Opportunity kini alang kanato.
Pagsaulog
Awiton: CRISTUS VINCIT, CRISTUS REGNAT CRISTUS CRISTUS IMPERAT! (2x)
- Latest