^

Banat Opinyon

EDITORYAL - Dengue pandemic

Banat
EDITORYAL - Dengue pandemic

Kinahanglan gyud ang pag amping batok sa tanang sakit.

Apan dunay usa ka sakit nga dugay nang nanghasi, nga mas una pa sa Covid19, ang dengue.

Wala kini gipili, bata ug tiguwang, mapobre man o adunahan.

Sa Central Visayas, gikonsiderar na sa DOH7 nga ning tuiga, base sa gidaghanon sa mga natakbuyan ug nakalas, makonsiderar na kini nga usa ka pandemiya.

Duna nay natalang 72 ka nakalas ug lapas na sa kwatro mil ang natakbuyan karong tuiga.

Mosaka pa gyud kini kay wa pa man natapos ang tuig unya padayun ang ang pagsige og bunok sa uwan.

Pun-an pa niining pagsige og baha unya dili tanan sa kabarangayan ang mikooperar sa pagpanglimpyo sa palibot,makapabalaka gyud kini.

Ang labing epektibong pamaagi pagbatok sa dengue mao ra gyud ang pagpanglimpyo sa palibot.

Pangitaon ug ipangyabo ang mga napundong tubig kay diha mangitlog ang mga lamok, apil niini ang lamok nga nagdala sa dengue.

Tinuod makadismaya ang ubang silingan kay nagpakabana sa pagpanglimpyo ang uban samtang dunay wala.

Anhi na untang dapita mosalida ang mga barangay officials, nga mangunay pagbadlong ug magpahinumdom sa ilang mga konstituwente.

Angay hinumdman nga ang pagkatap sa dengue daling buntogon, apan kun duna nay masakit niini maoy lisod.

Kay daghan sa mga natala nga nakalas ang uwahi ng niduol sa doktor kay lagi nahadlok kay basin mapositibio sa COVID-19.

Kun duna na gani gipamati,mas maayong magpatan aw nalang daan sa doktor aron magiyahan unsay maayong buhaton,dili magtagna tagna.

You are messaging from your personal account “Maria Emee Lucena”

DENGUE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with