Trapik

Padung ko sa dakbayan sa Sugbo alang sa usa ka mahinungdanong lakaw. Pag-abot nako sa  Carcar pwerteng trapika. Kini tungod kay dunay karsada nga giguba ug kasamtangang giayo. Daghang mga sakyanan ang naghuot, daghang mga sakyanan ang nagdasok. Ang among dagan hinay kaayo.

Salamat na lang gani kay naabot gyud sa akong schedule hinuon late na gyud kaayo. Apan salamat gihapon niini tungod kay pinaagi niini nakapamalandong gihapon ako nga bisan sa maong kasinatian dunay nindot nga ikatudlo ang trapik dalan. Naglangkob kini ning mosunod:

1. Birtud gyud ang pailob. Kun wa ang pailob lhayan mahitabo gyud ang traffic rage. Sa kinabuhi ang kawalay pailob usahay magdala og dugang suliran sa mga hingtungdan.

2. Ang naghuot nga mga sakyanan mahimong representation sa atong tagsatagsa ka mga emotional baggages. Malisod ang pagpanaw kun ang pag-move-on kun kita daghang mga toxic nga gihambin. Lakip na niini ang pagbati, panghunahuna ug uban pa.

3. Ang naghuot nga mga sakyanan mamahimong nagkadaiyang mga hunahuna nga dunay friction nga kasinatian. Nag-iyahay og pagpangita og kalutsan aron mamahimong gawasnon. Apan kining tanan anugon lamang kun dili maghatagay og kahigayonan. Magdugang kini sa kahinay ug ka loading.

Apan sa laing bahin ang hinay nga panaw bisan puol makatabang man usab aron sa ingon mamahimong maalim ang matag samad nga nahiagoman sa matag usa kanato. Usahay ang pagpunay og dali dili man makahatag og dekalidad nga resulta.