^

Banat Opinyon

Probinsiya sa Mactan suntok sa buwan ang katumanan

LABTIK - Alan P. Domingo - Banat

Naukay ang Sugbo sa isyu mahitungod sa plano nga himoong probinsya ang tibuok isla sa Mactan nga nakapukaw sa isyu sa Sugboak nga nahitabo niadtong tuig 2007 diin gitinguha unta sa upat ka mga magbabalaud nga buak buakon ang Sugbo.

Gihulagway kadto ni Governor Gwen Garcia nga "pwera buyag nangapilde sila" diin gitumbok nga maoy hinungdan sa kapildehan sa mga nagpaluyo sa lakang niadtong Sugboak.

Subling gibarugan sa gobernador nga dili siya mosugot nga mabuak ang Sugbo. "I was not, I am not and will be against Sugboak" matud ni Garcia nunot sa init nga isyu nga gitan-aw sa mayor sa dakbayan sa Lapu-Lapu Junard Ahong ang plano kaniadto ni anhing Secretary Adelino Sitoy sa paghimong probinsya sa Mactan Island.

Giluwatan kini nga pamahayag sa mayor atol sa Openline forum diin naay nangutana kaniya mahitungod sa isyu ug iya ra usab nga gitubag ang mga posibleng maayong epekto ugaling mamahimong probinsya ang Mactan. In fairness ni Chan, dili siya ang ni-open sa isyu kay igo ra man niya gitubag ang pangutana sa usa ka panelist sa naasoy'ng forum sa posibilidad nga mahimong lalawigan ang Mactan.

Giingon niini nga idea ni Sitoy ang paghimo nga probinsiya Mactan Island apil na ang Cordova nga kasamtangang sakop sa lalawigan sa Sugbo. Siyempre gilatag usab ni Mayor Chan ang nindot nga mahitabo ugaling mahatagan og kahimanan ang plano.

Mura'g passing lang kadto nga isyu apan nahimo man hinuon nga talk of the town, banner story sa pipila ka adlaw ug nakaani og nagkadaiyang reaksyon sa mga netizens ug mismo sa labing dakong opisyal sa lalawigan sa Sugbo.

Giklaro sa mayor sa Opon nga dili priority sa iyang administrasyon ang maong lakang kay daghan pa kaayo nga mga isyu ang angayan nga himoon. Sakto gyud mayor labi na ang problema sa drainage sa syudad ug uban pa. Hinuon karon nga wala nay babag sa mga proyekto sa Chan administration seguradong mosutoy na ang pagpatuman niini, knowing nga hands on ang mayor sa mga programa sa dakbayan.

Wala damhan nga nidako ang isyu nga nakapareak gani sa gobernador  kinsa nimando sa iyang mga abogado nga tun-an ang proseso kaniadto dihang nahimong highly urbanized city ang Lapu-Lapu ug nahimulag sa lalawigan kay matud niini nga wala maapil ang probinsyia sa plebisito.

Ang kahiusahan sa Sugbo ang gipasigarbo nga kanunay ipadayag sa gobernador nga One Cebu Island busa mora'gimposible gyud nga mahatagan og katumanan ang tinguha nga Mactan Island province kay dili man sad isurrender sa probinsya ang lungsod sa Cordova kay maapektohan man usab ang National Tax Allocation o kanhi IRA.

Makaingon ko sa pagkakaron ang plano nga Mactan province magpabilin nga plano nga daw suntok sa buwan ang katumanan, gawas lang kong mausab ang baruganan sa nagdumala sa lalawigan.

GWEN GARCIA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with