^

Banat Opinyon

HIV-AIDS mikuyanap kapin 100 na ang nataptan, 3 patay

LABTIK - Alan P. Domingo - Banat

Mura’g nataligam-an na ang ubang mga balatian kay nakatutok halos sa COVID-19 ug sa dengue kay lagi uso karon. apan aduna pay daghan mga balatian diay ang angayan nga hatagan og pagtagad sama sa nalang sa HIV-AIDS.

Sa record sa Cebu City Health Department adunay 113 ka mga kaso sa balatian sukad sa Enero hangtod karon ug tulo na ang namatay. Pastilan no daghan na ni kong tan-awon nato ug posibleng mas taas pa ang kaso apil na ang wala ma-report.

Kining kapin sa gatos ka mga kaso sa balatian kadtong na-record lang sa CCHD delikado kong nagpadayon sa ilang ka sexually active ang mga nataptan sa sakit ug magsige pa sa pagpanakod.

Nasayod na ang tanan mahitungod niini apan mura’g gibalewala naman lang ug mura’g na-immune na sad kay gilabi ang lawasnon nga kalipay wala hunahunaa ang sangpotanan ilang gibuhat.

Dili sa pagpaka minus kanila apan mao man kini ang kamatuoran, gawas lang niadtong wala tuyoa ang pagtakod sa sakit kay naamong sa uban sama sa blood transfusion ug natakpan lang sa partner.

Sa record sa CCHD, ang nag-unang mode of transmission sa balatian ang men having sex with men o pakighilawas sa masig ka lalaki. Nalabwan na niini ang kanhi number one nga injecting drugs used o nataptan sa pagpuli puli gamit sa syringe.

Adunay tambal ang Department of Health nga kong mamintinar lang molungtad og dugay ang kinabuhi ug gipaneguro nila ang confidentiality clause sa pasyente kong mokonsulta ug magpa-test aron masayran ang health status niini.

Kadtong wala pay HIV-AIDS puwede ra gyud makalikay pinaagi sa abstinence o puasa nga dili gyud motilaw sa laing putahe. Be faithful o matinud-anon sa kapikas, kasal man o dili. Para nako mao ra gyud ni ang himoon nga dili masugamak kay ulahi na ang pagbasol.

DEAD

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with