Nagsugod na ang ting-ulan sumala pa sa pahibalo sa PAGASA.
Kaning pag-ulan-ulan nagdala kini og maayo ug dili maayo para sa tawo ug sa tanan.
Nagdala kini ug tubig aron mapuno ang mga tinubdan sa tubig nga gikinahanglan sa tanan.
Apan dili tanan kaayohan ang dala sa uwan, duna say kadaut nga dala ug mabutang sa peligro ang kinabuhi ug kabtangan.
Sa panahon sa ting-uwan, mao sab angg kadaghanan sa pagsulod sa bagyo. Anha dunay dagkong katalagman nga mahitabo.
Ang pangutana karon, nakat-on na ba ang mga lokal nga kagamhanan ug naghimo na ba sila og mga solusyon sa mga problemang nitumaw sa nakalabay nga tinguwan o bagyo sama sa Odette?
Pila ra kaha ka LGUs ang nipasar og mga ordinansa para mamenusan ang dili maayong epekto kun dunay katalagman.
Tinuod duna nay mga risk reduction and management councils, apan buhatan lang kini king buot hunahunaon.
Gikinahanglan nga magpanday sila og mga direktiba, ordinansahon, aktwal nga disaster mitigation efforts inabagan sa ubang departamento sa ilang lokal nga pangamhanan.
Kay lahi ra ang mitigation, preparedness ug rehabilitation. Dili kini parehas apan parehas ang tumong, nga mamenusan ang negatibong epekto kun dunay katalagmang moigo sa ilang lugar.