^

Banat Opinyon

Posible ang bayente

BALITAHOM - Atty. Jose Marie N. Poblete - Banat

Namahayag ang DTI nga may posibilidad nga mahitabo ang saad ni presumptive president Bongbong Marcos nga 20-30 pesos na lang ang presyo sa matag kilo sa bugas apan kinahanglan pa kini ug makuting pagtoon. Gipanglantawan nga adunay dakong suliran ang paghatag subsidiya sa mga mag-uuma nga walay kondisyones aron matuman ang saad. Angayan nga tun-an ug paningkamotan nga mapaubsan ang presyo sa bugas kay katawhan man ang mabulahan. Apan ning bugnaw nga pamahayag sa DTI, haum nga pagya nga, “Kung gusto, may paraan, kung ayaw, may dahilan”. Saoonz!

Silotan ang limbongan

Gilagdaan na ni Presidente Duterte ang R.A. 11706 nga nagmando sa mga kagamhanang lokal pag-establisar og mga “Timbangan ng Bayan” sa mga publiko ug pribado nga mga merkado.  Ubos sa maong balaod, silotan og dakong multa kadto mapalgan nga nanikas sa ilang mga timbangan. Dili man tingale ang timbangan maoy tikasan kon dili ang tindera. Naa pay ubang pilosopong tindera nga kon imong sukmatan nga kulang ang iyang timbangan itandi sa Timbangan ng Bayan”, tubagon ka lang pag-ingon, “Adto palit sa Timbangan ng Bayan”. Madahaan!

Lupig ang japan

Usa ka 24 anyos nga lalaki didto sa lungsod sa Abu, sa Japan Yamaguchi Prefecture, nasaypan pagbayad sa COVID relief fund nga mokabat 46.3 milyones Japanese Yen nga alang unta sa 463 ka benepisyaryo.   Sa dihang bawion na unta sa gobyerno ang kuwarta, wala nay mauli pa kay nahurot na kini’g kapilde sa online casino gambling. Kon nisundog pa ang Japan sa Pilipinas nga ipaagi sa mga barangay officials ang kuwarta, dili unta kini mawagtang.  Pwera sa maayo, baniog baya ang kamaayo mohimo’g lista sa nakadawat ang atong mga opisyales bisan walay gipanghatag.  Sa panahon sa COVID, “there’s more FUND in the Philippines”.  Baya no!

Dili gyud bitokon

Nangomedya si Pope Francis nga kinahanglan siyang moinom og tequila aron ma-alibyohan ang sakit sa iyang tuhod.  Daghan ang nagtoo nga makaayo ang bino sa ubang matang sa sakit.  Makapahinumdom sa sugilanon sa maestra nga agi’g eksperimento, iyang gibutang ang wati sa baso nga gisudlan og tubig, samtang ang laing wati, gisulod sa baso nga adunay bino.  Dakong buhi ang wati nga gibutang sa tubig apan namatay ang wati nga gibutang sa bino. Nangutana ang maestra sa mga tinun-an kon unsay leksyon nga ilang nakat-unan. Daling mitubag si Juan nga, “Maam, ang tawo nga moinom og bino, dili bitokon”.  Pagkatoytoy!

Gamiton pag-usab

Nanawagan ang DILG sa publiko nga itaho sa ilang buhatan kon aduna pay mga campaign materials nga wala mabaklas sa ilang mga lugar.  Kadtong mga kagamhanang lokal nga mapakyas pag-implementar sa maong kamanduan makadawat og pahimangno gikan sa DILG. Daw naghiko-hiko pa ang ubang kandidato pagpangbaklas sa ilang campaign posters.  Tingale nagplano nga morebansing sunod eleksyon ug gamiton gihapon ang maong mga tarpaulin aron makadaginot.  Kon buyagon sa kagamhanan, aaw, morason lang nga ilang gituman ang kampanya nga Reduce, Reuse, Recycle. Fezteleern!

BONGBONG MARCOS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with