^

Banat Opinyon

EDITORYAL - Reclamation projects makatabang

Banat
EDITORYAL - Reclamation projects makatabang

Dunay daghang mga proyektong umaabot nga mosulbong dinhi sa Sugbu sa mosunod nga mga katuigan, usa niini ang mga reclamation projects nga planong tukoran og daghang mga edipisyo nga makapanindot sa lugar ug magdala og daghang ekonomikanhong kalihokan.

Daan ng gihugonhugonan ang nagkadaiyang mga reclamation projects nga tukoron sama sa Minglanilla, sa Mandaue City ug sa Consolacion. Kani nga mga reclamation projects  makapalapad sa kayutaan sa mga LGUs.

Sama sa reclamation area Mandaue City, South Road Properties sa Cebu City nga natukoran na og nagkalain-laing balay patigayon, magdala sab og dugang kalamboan ang mga samang proyekto sa ubang mga lugar nga nagtinguhang maghimo niini.

Apan sa pagbuhat niini, kinahanglang siguraduhon nga dili maapektahan ang mga gagmay’ng katawhan nga namuyo ug nanginabuhi aning mga lugar nga planong i-reclaim. 

Lakip sa angay nga bantayan mao ang kasigurohan nga dili maguba ang kinaiyahan sa mga i-reclaim nga dapit.

Dili lang unta kutob sa pagpang-abog ang himuon kondili hasta na sab sa pagpangita og relokasyon pa sa mga apektadong namuyo sa kabaybayonan.

Gikan palang sa pagsugod sa mga reclamation projects hangtud sa pag-develop na sa mga luna ug pagtukod og mga edipisyo ug estraktura makahatag na kini og dugang trabaho sa mga tawo.

Apan mas labing maayo kun himuong prayoridad sa mga  LGUs ug sa mga kontraktor nga ang kuhaong trabahador sa proyekto ug mao ang mga residente sa LGUs nga nagpatukod niini.

Kay pinaagi niini, makatabang kining maong mga proyekto sa mga konstituwente nga walay mga trabaho.

Sa samang paagi, ang LGUs unta motabang sa ilang mga konstituwente nga makabaton og skills trainings aron sila dawaton sa mga kompanyang mag-negosyo sa maong mga gi-reclaim nga mga lugar.

Makatabang kini sa pagpataas sa kalidad sa pagpuyo sa mga konstituwente tungod kay duna naman unya silay trabaho. 

SUGBU

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with