^

Banat Opinyon

Pagkat-on unsaon sa pagdawat sa kadaugan sa kinabag-an

LABTIK - Alan P. Domingo - Banat

"Let me educate you" sikat kaayo ning pulonga ilabi na sa mga tawo nga nagtuo nga sila ra gyud ang sakto kay para nila sila ang limpyo ug edukado nga nakasabot sa unsay maayo ug unsay dili.

Usa ka mensahe ang gipadala pinaagi personal message nga naglitanya sa iyang opinion mahitungod sa resulta sa eleksyon, ok ra gyud walay problema kong igo ra nagpadayag sa iyang analysis kuno kay iya man nang katungod, apan lahi na kong molapas na sa utlanan nga ipugos og hungit niya ang iyang gituohan ngadto sa uban.

Dili lang nako nganlan kinsa kay walay labot ang publiko kaniya kay gipaagi man niya sa personal message. Nakasabot ko nga na-trigger lang seguro siya sa akong gisuwat nga lindog nga napatik niadtong Lunes nga giulohan og "Dawaton ang gipili sa katawhan" subay sa paglawig sa kadaugan ni Bongbong Marcos ug Sara Duterte nga sa pagkakaron aduna nay 31 milyones kapin nga botos.

Ang numero dili man mamakak, nakaangkon ang BBM-SARA tandem sa landslide votes batok sa ilang mga kaatbang. Lisod ba gyud nang dawaton?

Kong dili man makadawat ang uban niini ug dili pa gyud maka move on okay ra gyud, ayaw lang pangdamay sa uban nga gusto nang makapadayon.

Kay sa ipugos og hungit ang gituohan ninyong maayo pinaagi sa pag ingon nga "let me educate you." Pastilan, mas maayo seguro nga edukahon ninyo og una ang inyong kaugalingon unsaon sa pagdawat sa kadaugan sa kinabag-an, o angayan ganing ingnon nga ang resulta sa eleksiyon kadaugan sa mga Filipino nga migawas sa ilang mga pinoy-anan aron makabotar.

Dili naman gyud matuis ang resulta kay makapabungog naman ang labaw nilang BBM-Sara, wala pa gani hingpit nahuman ang election process gihukman nang daan.

Huwaton nalang nato ang unom ka tuig nga makapakita sila sa ilang labok ug matuman ba ang ilang gipanaad sa katawhan, kong mapakyas ayha na ninyo sila paningla.

Ang kalamboan sa atong nasud maangkon kong adunay kahiusahan busa panahon na seguro nga mopadayon na ang mga tawo ug suportahan ang gipili sa kinabag-an.

Tinuod nga wala pa mahuman ang kumbate, gani wala pa man gyud makasugod kay ayha na kini masugdan sa higayon nga makalingkod na ang mga pinili sa ilang katungdanan kinsa maoy mokumbate sa mga nag unang problema karon sa nasud ug mahimong mabuntog nila pinaagi sa suporta sa katawhan.

2022 ELECTION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with