^

Banat Opinyon

Pagkulit o g kasaysayan

LINTUNGANAY - Fred P. Languido - Banat

Padayon ang pagkulit ni Gobernador Gwen Garcia og kasaysayan sa politika dinhi sa lalawigan sa Sugbo human sa makabungog nga mayoriya nga iyang naangkon batok sa iyang kaatbang sa eleksiyon niadtong Lunes, Mayo 9.

Sukad masukad wala pa mahitabo sa kasaysayan sa probinsiya nga dunay gobernador nga nasublian sa ika-limang termino. Wala pa sab mahitabo nga dunay gobernador nga mitala og kapin sa usa ka milyon nga labaw sa iyang kaatbang.

Si Garcia mihipos og 1,478,436 botos aron pagsiguro sa laing tulo ka tuig nga termino batok sa iyang kaatbang nga si kanhi tourism secretary Ace Durano kinsa nakaangkon lang og 341,455 botos. Sigun sa talaan sa Commission on Elections (Comelec) miabot og 87.48 porsiento ang gidaghanon sa mga rehistradong botante sa lalawigan ang mibotar sa miaging eleksiyon.

Nakasunod ko sa karera ni Garcia sa politika sukad pa niadtong unang adlaw sa iyang pagsulod sa kapitolyo sa Sugbo isip consultant sa iyang amahan nga si kanhi gobernador Pablo Garcia hangtud nga misugod siya og kulit og kasaysayan isip labing unang gobernador sa Sugbo.

Bisan naputos sa hadla sa mga pagsuway ang iyang pamunoan—sama sa tinguha kaniadto nga pagbuak sa lalawigan ngadto sa tulo ka mga probinsiya---apan nibarog siyang lig-on ug milampos paghiusa sa mga mahinungdanon ug mapuslanon nga mga lider sa politika sa Sugbo aron batukan ang kahakog sa gahom sa mga nagpasiugda kaniadto sa Sugbuak. Tulo ka mga kongresista nga mapupos na ang mga termino ang buot magtukod og ilang kaugalingong probinsiya pinaagi sa ilang tagsa-tagsa ka mga distrito.

Tungod niini natawo ang One Cebu Party nga karon maoy nagdominar sa politika sa Sugbo. Ang resulta sa eleksiyon niadtong Lunes nagsilbing testament sa kahugot sa suporta sa mga Sugboanon ngadto sa gobernador. Gani gawas sa iyang makabungog nga mayoriya, gihatag sa Sugbo ang kapin sa usa ka milyon ka botos ngadto nilang Bongbong Marcos ug Sara Duterte.

Ang imahin sa Sugbo nga naila kaniadto nga anti-Marcos nausab sa kalit lang dihang mideklarar ang gobernador og suporta ni BBM ug misiguro gyud sa iyang kadaugan dinhi sa probinsiya.

GWEN GARCIA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with