^

Banat Opinyon

Mapilde na pud

BALITAHOM - Atty. Jose Marie N. Poblete - Banat

Matud pa sa COMELEC, gisangon sa kapolisan ang gimbuhaton pagpanangtang sa mga campaign posters nga wala mahisubay sa election guidelines.  Daghan ang nakapangutana kon ang pagpanangtang sa mga poster nga nahimutang sa mga pribadong luna wala ba mahisupak sa tawhanong katungod.    Husto ang sugyot nga angayan repasohon sa COMELEC ang ilang lagda.  Wala man tingale sayop kon mangampanya ang kandidato pinaagi sa poster nga adunay hangyo nga nagkanayon, “Botohi ako ninyo, kay kon dili, mapilde na pud ko pag-usab”.  Ateeerr!

Isipa nga underwear

Gikataho nga sa tuig 2021, ika-upat ang Pilipinas sa mga nasud nga kinaham nga biktimahon sa mga cybercriminals.  Nagpasabot kini nga sa panahon sa pandemya, misaka usab ang hulga sa mga Pinoy nga migamit sa internet.  Ulipon na karon ang tawo sa teknolohiya mao nga sayon kaayo siya’ng biktimahon sa mga cybercriminals.  Aron dili mabiktima, sunda ang tambag sa mga eksperto: “Isipa ang imong “password” nga sama sa imong brief/panty: ayaw kini ipakita sa uban, ilisi kini kanunay, ug ayaw kini ipagamit sa dili nimo kaila”. Madahaan!

Isagol sa malatâ

Matud pa sa Organization for Economic Cooperation and Development (OECD), menos pa sa 10% sa nagamit nga plastik sa tibuok kalibutan ang na-recycle bisan pa man nga nidoble usab ang gidaghanon sa plastik nga nagamit sa tuig 2019. Adunay matang sa plastik nga dili angay i-recycle.  Sila kadto’ng mga tawo nga maayo lang sa atubangan apan traydor kon mahitalikod ka na kanila.  Ang mga tawo’ng plastik, sama ra usab sa atong anino; magsunod-sunod kanato kon anaa kita sa kahayag, apan mobiya dayon kon anaa kita sa kangitngit.  Ug kay dili man sila angay i-recycle, maayo kanila isagol sa mga MALATÂ.  Aleleert!

Labing epektibo’ng tambal

Buot sa DILG nga amendahan ang balaod nga nagdili sa mga sari-sari store pagpamaligya sa mga pharmaceutical products. Kini human gisaway ang DILG sa gihimong pagpanglutos sa ahensya sa maong mga tindahan sa tuyo nga mahunong ang pagkatap sa peke nga tambal.  Gawas nga adunay peke, ang kamahal usab sa tambal maoy laing suliran sa katawhan.  Kadto’ng walay ikapalit og tambal, gitambagan na lang nga magpunay lang gyud og katawa.  Kay lage, “Ang pagkatawa mao kuno’y labing epektibo nga tambal.  Apan kon mokatawa ang tawo bisan walay hinungdan, nagkinahanglan siya’g tinuod nga tambal”.  Pagkatoytoy!

Kompetensya ang gobiyerno

Sa may kalambigitan’g balita, gimanduan sa DILG ang mga lokal nga kagamhanan sa paglig-on sa programa nga Botika ng Bayan ug mga Botika ng Barangay aron adunay laing alternatibo nga botika ang katawhan gawas sa mga sari-sari store.  Bisan sa pahimangno sa DILG, dili ikalimod ang kamahinungdanon sa mga sari-sari store ngadto sa katawhan kay gihimo niini ang gimbuhaton nga wala mabuhat sa gobyerno.  Ni’ng paglutos sa DILG sa mga sari-sari store, haum ang panultihon nga, “Sa matag panikay-sikay sa tawo, adunay susama apan sukwahi nga programa nga ipahigayon ang gobyerno”.  Fezteleern!

COMELEC

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with