^

Banat Opinyon

Politika gihapong pandemiya

ARANGKADA - Leo Lastimosa - Banat

Sa tanang kaisog ni Presidente Rodrigo Duterte pagpanghudlat sa mga way bakuna, nganong wa man siyay umoy sa pagbadlong, o bisan pagbuyag na lang, sa iyang alyado nga mga politiko nga di ganahan og bakuna? Ang tubag: Mayo 9, 2022.

Kon wa pa kang kabantay, ang tanang lakang sa administrasyon, nga nakapasamot sa kalisod sa pandemya, wa ipasikad sa siyensiya, Kon dili sa politika. Giumol ang mga lagda di aron pagbadlong sa tinakdanay. Kon dili aron mapaboran ang mga politiko nga gituohan sa presidente nga makapanalipod niya human mokanaog sa Malakanyang.

* * *

Maayo pa si Justice Secretary Menardo Guevarra. Samtang iyang gipatigbabaw ang katungod ni Chief Public Attorney Persida Acosta sa di pagpabakuna giklaro sab nga mapugos si Acosta sa pagsunod sa mga lagda nga naghigpit sa kalihokan sa mga way bakuna.

Pero way opisyal sa administrasyon nga nibadlong sa mga politiko nga alyado ni Presidente Duterte. Nga gawas nga nipasigarbo sa wa nila pagpabakuna, nideklarar nga di ipatuman sa ilang hurisdiksiyon ang mga lagda nga fully vaccinated ra ang makasakay sa mga sakyanang pamasahero ug makasud sa shopping malls.

* * *

Human gipadagan pagka presidente ang tanan niyang itoy nga way laing lingaw, karon nahilom na kinsay labing makapanalipod niya gikan sa International Criminal Court (ICC): Ang iya bang gipasanginlan nga adik sa cocaine o ang iyang gibugalbugalan nga sige og lili sa iyang brief?

Ang wa pag-disqualify sa Commission on Elections (Comelec) ni kanhi Senador Bongbong Marcos wa magpasabot nga siyay paluyohan sa presidente. Husayon pang ubang disqualification cases batok niya sa mga komisyonado nga pulos na iyang tinudlo.

* * *

Sa kasamtangan, o timaan nga wa pa siyay napilian, nahilambigit ang presidente sa garapal nga mga pagsuway sa paglawgaw sa piniliay:

• Ang giilog niyang partido nga PDP-Laban ni-petisyon pero napakyas sa pag-abli pagbalik sa filing sa certificates of candidacy ug paglangay sa pagprinta sa mga balota, nga kon gipaundayonan pa magkahulogan nga way eleksiyon karong Mayo; ug

• Malakanyang ang unang nipalit sa pasangil nga na-hack ang server sa Comelec ug nakuha ang user names ug PIN sa vote counting machines (nga lisod tuohan kay unya na kana andamon sa Comelec dayong padala sa VCMs sa mga probinsiya).

* * *

[email protected]

COVID-19

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with