_banat
^

Banat Opinyon

Kinsa’y nalipat?

BALITAHOM - Atty. Jose Marie N. Poblete - Banat

Girespetohan ni Presidente Duterte ang hukom ni Senador Bong Go nga moatras sa iyang kandidatura pagka-presidente, dugang ang pag-ingon nga daghan ang nasagmuyo sa maong hukom sa senador.  Drama man o maniobra lang sa Malacañang ang pag-atras ug paghulip sa mga kandidato karon, tanghaga sa kadaghanan ang maong mga panghitabo.  Adunay panultihon nga “Walay kabahin sa lawas sa ulod nga naghatag indikasyon nga mamahimo siya’ng kabâ-kabâ“. Ginaingon usab nga, “Ang tinuod nga ma-alamon mao kadto’ng nagpatoo’ng hanggaw atubangan sa mga hanggaw, kinsa, nagpatoo usab nga sila ma-alamon”. Kinsay nalipat ni’ng tanan?  Isip-isip!

Puli-puli’g angkon

Gipahinumduman sa DILG ang mga kandidato ingon man ang ilang dumadapig nga ginadili pa ang mga political rallies kay anaa pa ang hulga sa bag-ong coronavirus variant nga Omicron.  Mga caravan ug motorcade lang ang gitugtan sa pagkakaron.  Angayan sundon ang kamanduan sa DILG.  Gawas sa hulga sa COVID-19, bakak ug pagpangda-ut ra usab ang sagad natong mabati sa mga politiko.  Matud pa bitaw sa akong amigo nga gikan mitambong sa rally, “Samtang nangangkon ang usa ka partido nga napunô sa tawo ang plaza atol sa ilang rally, ang pikas partido usab nangangkon nga sila maoy tag-iya sa plaza.  Pagkatoytoy!

Matang sa plastik

Gikataho nga ang Estados Unidos maoy labing dako’g tampo sa kalibutanon’g suliran sa plastic waste.  Gitawag unta nga milagro ang pagka-imbento sa plastik tungod sa daghang kapuslanan niini, apan makadaut usab kini sa kalikopan.  Duha ka matang ang plastik: basura ug tawo. Ang kadaut nga dala sa plastik nga basura mahulagway sa pagya nga “bisan ang batikulon sa kalibutan, sa plastik dili mahilisan”.  Ang kadaut nga dala usab sa plastik nga tawo makita sa ilang ka-mapahimuslanon ug mahulagway sa panultihon nga, “Ang tinuod mo’ng higala, maghilak kon mobiya ka; apan ang plastik nga higala, mobiya kon maghilak ka”.  Baya no!

Nagutman kay wa’y bakuna

Usa ka Ginang Rosanna Tenorio nga taga-Sta. Rosa, Laguna nakahukom nga magpabakuna na lang batok COVID-19 tungod kay wala siya pasudla sa restaurant.  Naghikô-hikô si Ginang Tenorio pagpabakuna tungod sa giingon’g adverse effects niini.  Mora’g misaler ang pamaagi sa gobiyerno paghatag katungod sa mga tag-iya sa establisemento pagpasulod o dili niadtong wala mabakunahi.  Dili tinuod lalim ug dako’ng balighô nga bisan sa kadaghan sa imong kwarta, nagutman gihapon ka kay sa restawran wala ka pasudla. Fezteleern!

Platform sa pamakak

Usa ka independent research agency nanawagan sa Facebook tungod sa pagtugot niini nga mapatik ang mga pulong nga giingon’g nagdasig sa mga buhat nga mabangis ingon man sa pagpakatap sa mga politikanhong bakak.  Dako ang natampo sa social media pagpalambo sa kagawasan sa pagpadayag, apan dako usab ang risgo mahitungod sa mis-information ug dis-information diin kini may purohan nga mahimo’ng usa ka katilingbanon’g suliran.  Dili angayan tuhoan dayon ang impormasyon nga gi-post sa Facebook tungod lang kay adunay maanyag nga hulagway nga gibutang kuyog niini.  Busa, “Think before you click”!

SENADOR
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with