Pildi si Duterte ni Sotto
Gipildi ni Senate President Vicente “Tito” Sotto si Presidente Rodrigo Duterte sa ilang kombati sa pagkabise presidente sa nasud. Kini sigun sa resulta sa survey nga gipasiugdahan sa Pulse Asia. Mao seguro kini ang nakapausab sa huna-huna sa presidente sa pagpapili pagkabise presidente human sa iyang termino tungod kay ulaw pod kun ang Presidente mapildi sa Senate President. Dili ikalimod nga sikat ang Presidente pero sa survey sa Pulse Asia gipildi siya sa Presidente sa Senado.
Daghang rason nganong gipildi ni Sotto si Duterte. Una, mituo ang mga tawo nga illegal ug kalapasan sa Batakang Balaod ang pagpapili ni Presidente Duterte sa pagkabise presidente human sa iyang termino kay mao man kini ang migawas sa survey nga gipahigayon sa Social Weather Stations.
Ikaduha, ang pagpapili sa Presidente sa pagkabise presidente dili aron padayon nga moalagad sa katawhan kun dili aron iyang panalipdan ang iyang kaugalingon sa mga kaso nga ipasaka batok kaniya human sa iyang termino. Ikatulo, unsa pa man ang pamatud-an sa Presidente ngadto sa katawhan kun ang pag alagad sa katawhan ang hisgotan.
Ikaupat nga rason maayo ang track record ni Sotto ug kuwalipikado kaayo siya sa posisyon nga bise presidente. Nagsugod siya isip national athlete sa duwang bowling, respitadong producer ug composer sa mga OPM nga kanta ug haniti nga magbabalaud sulod sa hapit 30 ka tuig.
Matud pa ni kanhi Senador Juan Ponce Enrile si Senate President Vicente Sotto mao ray senador nga dili abogado pero master ug haniti sa rules sa Senado. Si Sotto adunay dedikasyon sa iyang trabaho. Segun sa talaan sa Senado, si Sotto lang ang senador nga adunay perfect attendance ug wala gyod ma-late sukad tuig 2010. Patas sa iyang pagdumala sa Senado ug mapaubsanon. Matud pa ni Presidente Duterte sa iyang katapusang State of the Nation Address o SONA, Senate President Sotto is a good man.
Ikaunom, ang pangalan ug apilyedong Sotto nahimo nang kabahin sa katawhang Pilipinhon.
- Latest