_banat
^

Banat Opinyon

Di mapatak-om ang gabinete

ARANGKADA - Leo Lastimosa - Banat

Gustong kopyahon ni Presidente Rodrigo Duterte ang iyang alyado nga si kanhi Presidente Gloria Macapagal-Arroyo nga nipugong sa mga opisyal sa executive branch sa pag-atubang sa mga imbestigasyon sa Kongreso nga way pananghid gikan niya niadtong 2005, o 16 ka tuig na ang nilabay.

Nangangkon ang Malakanyang nga gidapigan sa Korte Suprema si Arroyo maong masaligon nga kapugngan ni Presidente Duterte ang mga sakop sa gabinete sa pag-atubang sa Senado nga nangimbestigar sa mga transaksiyon sa Department of Health (DOH) ug Procurement Service sa Department of Budget and Management (PS-DBM).

* * *

Samtang tinuod nga gipatigbabaw sa Korte Suprema ang gahom ni Arroyo pagpugong sa executive officials pagtambong sa Question Hour sa Kongreso ug paghangyo og executive session kon matuki nang nasudnong seguridad (ubos sa Sections 1 ug 2), gibasura ang mas importanteng mga probisyon sa Executive Order 464 (ubos sa Sections 2b ug 3): Nga nagdili sa mga opisyal sa Executive Department sa pagtambong sa hearing sa Kongreso nga way pagtugot sa Presidente.

Sama sa naandan nagpataka ang Malakanyang pagpangugat nga nasubay sa balaod ang labing uwahing nahunahunaan sa presidente.

* * *

Ang EO 464 giluwatan ni Arroyo aron pagpugong sa imbestigasyon sa Senado sa Hello Garci scandal, nga nibisto sa mga ebidensiya sa pagpanikas sa piniliay presidensiyal sa 2004, nga niresulta sa resignasyon sa pipila ka sakop sa iyang gabinete ug giisip nga labing seryuso nga hulga sa iyang administrasyon. Giisip ba ni Presidente Duterte ang Pharmally nga maoy iyang Hello Garci?

Nakalahutay hinuon si Arroyo sa sibaw nga awhag sa iyang resignasyon ug nakatiwas sa iyang termino.

* * *

Apil sa ni-petisyon sa Korte Suprema pagbasura sa EO 464 niadtong 2005 makahatag nato og ideya kinsay posibleng mobarug sa nabanhaw nga kontrobersiya:

17 ka senador (ambot makaambas ba ang gidaghanon sa mga senador karon nga modapig sa Senate Blue Ribbon Committee pero segurong makaabot og mayoriya kay nagpabilin pa man si Senate President Tito Sotto sa katungdanan); ug

PDP Laban (ang bag-ong sanga di maghasol kay gipangulohan na man ni Presidente Duterte pero ang orihinal nga sanga nga gipangulohan ni Senador Manny Pacquiao mahimong di managana kay hingpit na man nga nideklarar og gubat batok sa Malakanyang).  leolastimosaa@gmail.com

RODRIGO DUTERTE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with