_banat
^

Banat Opinyon

Ang grado sa COA

AMBOT LANG - Gerry Auxilio - Banat

Aduna karon mga pangutana ang pipila sa gipagawas nga unmodified rating sa Commission on Audit (COA) mahitungod sa Financial Statement nga gisumitir niini sa nahisgotang buhatan.

Sa ilang report, giingon sa COA nga ang Financial Statement sa lokal nga kagamhanan sa dakbayan sa Sugbo patas sa tanang aspeto sama sa financial nga posisyon niini sa Disyembre 31, 2020 ug ang iyang financial nga performance , cash flows, ang komparison sa aktuwal nga gahin ug ang aktuwal nga salapi nga nagasto sa tuig 2020 nga nahasubay sa International Public Sector Accounting Standards o IPSAS.

Ang nahisgotang report sa COA gihulagway sa administrasyon ni Mayor Edgardo Labella  nga bindikasyon alang sa iyang administrasyon nga napuno sa mga pagsaway ug pangotana sa gigasto sa dakbayan sa pagtubag niini sa COVID-19 pandemic ilabi na sa pasangil nga gipaburot ang prisyo sa mga dilata nga pagkaon ug  bugas.

Si Cebu City Administrator Atty. Floro Casas Jr. miingon nga ang obserbasyon sa COA ila na kining naremedyohan ug natubag. Buot Ipasabot nga ang City Hall nakapasabot na niini ug ila nang naaksiyonan.

Kun aduna may naisa ang kilay ug nakapangutana sa report sa COA, dili kini makapugong sa administrasyon ni Mayor Edgardo Labella sa pagwarawara ug pagpasigarbo sa gihatag nga unmodefied nga grado sa COA sa Financial Statement sa dakbayan. Kini tungod kay mao kini ang pinakataas nga grado nga nakuha sa siyudad sulod sa 84 ka tuig nga nahimo kining siyudad. Wala pay laing mayor sa dakbayan sa Sugbo sukad niadtong tuig 2009 ang nakakuha og pinakataas nga grado sa COA gawas lamang ni Mayor Edgardo Labella.

Taga COA na ang nagsulti, unsa pa man ang inyong pangitaon? Nganong mangita man gyod og buslot sa report sa COA? Unsa may tumong sa mga nagduda sa report sa COA? Tumong ba nila ang pag-discredit sa report aron makuha-kuhaan ang positibong grado sa COA sa Financial Statement sa siyudad nga naghatag usab og positibong grado ni Labella?

Mas maayo segurong ipadaplin ang politika sa report sa COA.

COMMISSION ON AUDIT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with