_banat
^

Banat Opinyon

Pansayan atong habwaan

RENBOR PATROL - Rene U. Borromeo - Banat

Dalaygon kaayo ang mga opisyal sa kagamhanan nga mopatuman sa balaod nga gitumong aron magpabilin nga limpyo ang atong mga tinubdan sa tubig.

Ang Philippine Clean Water Act of 2004 nagtinguha nga ang mga tinubdan sa atong tubig ilawom sa yuta, kanunay’ng limpyo aron dili makadaut sa panglawas.

Kini maoy hinungdan nga ang mga opisyal sa Metro Cebu Water District (MCWD) misugod na pagpatuman sa maong balaod didto sa Cordova ug Lapu-Lapu City.

Ang Republic Act 9275 gipaabot nga sugdan na usab pagpatuman sa MCWD diha sa Mandaue City sugod karong Agosto ning tuiga.

Nahibaw-an nako nga ang Mandaue City nga gidumala ni Mayor Jonas Cortes may ordinansa na nga ang tanang balay ug mga balay-patigayon sa ilang siyudad, magpahabwa na gyud sa hugaw sa pansayan.

Gitug-anan ko ni Edna Inocando, ang corporate manager for public relations sa MCWD, nga ang MCWD dunay private partner nga maoy mohabwa sa mga hugaw sa pansayan.

Ang ilang trabaho mao ang paghabwa sa hugaw gamit ang mga moderno nga vaccum trucks, unya limpyohan ang septic tanks ug ilang ayuhon paghipos ang mga hugaw, himoan og mga pamaagi nga dili na makadaot sa tinubdan sa atong tubig.

Ang MCWD diay dunay Septage Treatment Plant sa Cordova ug adto nila dad-on ng mga hugaw aron gamitan og mga pamaagi nga dili na makadaot sa kalikopan ug sa panglawas sa katawhan.

Ang balaod diay naglatid nga kata tulo ngadto sa lima ka tuig, kinahanglang habwaan ug limpyohan ang mga septic tanks, aron nga ang inagos sa hugaw dili mopaingon sa mga tinubdan sa tubig.

Ang bayad dili kaayo mahal, busa ayaw ninyo paabota nga moawas na ang hugaw sa inyong mga septic tanks ug makadaut na hinoon sa atong kalikupan.

Kon mangutana mo sa bayad pagpahabwa, barato ra kaayo, ug kon subscriber sa MCWD ang magpahabwa, mahimo ra gani nga bayran nila sa data-data kada buwan apil sa ilang water bill sulod sa lima ka tuig.

Dili ba maayo? Kadtong mga tag-iya og septic tanks nga dili konsumidor sa MCWD, habwaan gihapon sa kontraktor sa MCWD pero ang bayad nila bayran nila sa kausa ra ka higayon human sa paghabwa.

Sige na, tawga ninyo ang MCWD sa 343-2033 ug ang ilang partner sa numero 0995-1002365. Pinaagi niini, mapabilin nato ang kalimpyo sa atong tinubdan sa tubig ug malikayan ang mga sakit nga motakboy sa atong panglawas.

Nasayod ko nga daghang septic tank wa gyuy habwa-habwa. Pahimuslan nato ang barato ra nga bayad sa pagpahabwa sa atong septic tanks.

WATER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with