_banat
^

Maniobra ni Bato

LINTUNGANAY - Fred Languido (Banat) - June 13, 2021 - 12:00am

Wa nay session ang Kongreso hangtod sa katapusang State of the Nation Address (SONA) ni Presidente Rodrigo Duterte sunod human sa ilang sine die adjournment sa miaging semana.

Apan wala mapasar ang BFP Modernization Bill, usa sa mga balaudnon nga gi-certify sa Malacañang nga priority bill, tungod kay nalangan ang ratification sa bicameral committee report didto sa Senado dihang nadiskubrehan ang gihimong maniobra ni Senador Ronald “Bato” dela Rosa.

Bisan gibasura na sa iyang mga kaubang senador, sekretong gisukip ni dela Rosa didto sa bicameral committee nga maoy mohukngan sa version sa House ug Senado ang probisyon nga isyuhan og armas ang mga bombero aron kuno pagpanalipod sa kaugalingon mataghigayon nga moresponde sila og alarma sa sunog.

Nadiskubrehan ni Senador Franklin Drilon ang palusot ni Dela Rosa hinungdan nga nalangan ang pagpasar sa hingpit sa maong balaudnon.

Ambot nganong atat si Dela Rosa nga mamalit og armas ang gobyerno alang sa kabomberohan nga mismong ang mga opisyal sa Bureau of Fire Protection dili man interesado niini.

Alang sa mga opisyal sa BFP mas mahinungdanon alang nila ang dugang mga gamit pagpawong og sunog nga maoy mas labaw nilang gikinahanglan.

Dinhi sa Central Visayas, si BFP-7 superintendent Fritzie Manatad miingon nga dili armas ang ilang kinahanglan kon dili dugang mga bombero ug kagamitan pagpawong og sunog.

Ang BFP-7 dunay 1,328 ka mga bombero apan 638 lang nila ang nahatagan og fire coat ug karsones alang sa pagpapawong og sunog. Sa ato pa sobra sa katunga sa gidaghanon sa atong mga bombero dinhi sa Central Visayas ang moresponde og sunog nga way igong gamit pagpanalipod sa ilang kaugalingon.

Gawas sa fire coat ug karsones kuwang sab sila og helmet, gloves, boots, ug breathing apparatus.

Matud ni Manatad nga kining maong mga matang sa kagamitan kinahanglang unta nga matag-usa ka bombero aduna niini apan dili mahatagan sa atong gobyerno.

Ang ubang mga bombero napugos na gani pagpamalit og ilang kaugalingon nga fire coat tungod kay way ikahatag ang kagamhanan.

Ang personal protective gear pa lang ni ang atong gihisgutan, wala pay labot niini ang kakuwangan sa mga fire truck ug fire hose ug uban pang ekipo alang sa epektibong pagresponde og sunog.

Dinhi sa dakbayan sa Sugbo 12 lang kabuok ang fire truck nga magamit, pito sa Mandaue ug Lima sa Lapu-Lapu. Sa kinatibuk-an dinhi sa Central Visayas duna lay kapin sa 100 ka mga fire truck.

Sa probinsiya sa Sugbo daghan pa ang mga lungsod ang way kaugalingon nga fire truck.

Kun simbako dunay sunog sa usa ka lungsod nga way estasyon sa bombero gikan pa intawn sa silingang lungsod ang moresponde.

Ug sigurado ko nga mao pud ni ang sitwasyon sa ubang mga lalawigan sa nasud.

Apan taliwa niining maong dakong problema sa BFP, ang pagpamalit gyud og armas maoy prioridad ni dela Rosa.

Ambot unsay atong sala nga nakabaton og senador nga parehas ka taphaw ni Bato.

RONALD DELA ROSA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with