^

Si Lapulapu

MGA LAMAS SA KINABUHI - Fr. Rey Cui (Banat) - May 4, 2021 - 12:00am

Dili pa lang dugay gisaulog pag-usab ang Kadaugan sa Mactan. Sa maong kasaulogan, daghang mga tawo ang gidapit apil na niini ang mga hataas  nga mga opisyal sa atong nasud.

Gani senador ang gidapit aron mohimo og pakigpulong. Unfornately, daghag kontrebersiya ang gipamulong nga makapuling. Si Lapu Lapu usa diay ka Tausug? Nga gisugo aron mohimo og pagsusi kun nganong daghang mga langyaw nga nitaak sa Isla sa Mat-an nga karon nahimong Mactan. Sa hunahuna ning maong senador duna nay sense of a nation ang mga tawo kaniadto.  May cellphones na tingali sila kaniadto mao nga gikontak ang taga Mindanao mao nga gipadala si Lapulapu sa Mat-an aron mohimo og pagpanalipod niini. Tawon pud. Ang mga tawo kaniadto walay sense of a nation ingon tang pulonga. Ilang gihatagan og igong pagtagad ang ilang kaugalingong mga balangay sanglit ang balangay system mao man ang matang sa pangagamhanan kaniadto.

Si Lapulapu nga maoy pangulo sa Mat-an mao man ang dunay igong pagtagad sa iyang kaugalingong dapit ug wala siyay labot sa uban. Si Fernando Magallanes namatay tungod sa iyang pagpanghilabot sa internal conflicts nga nahitabo sa mga datu nga nagkabingkil kaniadto. Usa kini ka paagi sa pag-twist sa historical data ginamit ang hearsay. Tinuod dili one on one ang gubat nga nahitabo tali nilang Lapulapu ug Magellan.

Tinuod nga si Magellan napatay sa Mactan ug nganong ang credit gihatag kang Lapulapu kini sa kapasikaran nga si Lapulapu mao nga gi-attribute ngadto  kaniya ang kredito tungod kay siya mao man ang ilang pangulo. Mao kini ang husto nga paglantaw sa kasaysayan.

Daghan man unta ang mahimong sangpiton nga mga batid sa kasaysayan ug mga Sugbuanon pa gayud ang mahimong tawgon ug hangyoon nga mohatag og hamubo apan undanong pakigpulong kalabot ning maong hilisgutan apan gumikan ba kaha kay kini siyang tawhana kabahin sa laray sa mga nagpatuong mga makinaadmanon ug gamhanan maoy gipahatag sa maong pakigpulong. Usa  kini ka dakong pagpasipala. Anugon ang kahago sa atong mga historical experts kun hatagan lang kita og output nga sama niini.

MACTAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with