Dear Atty. Divine,
Nag-rent ko og balay sud na sa tulo ka tuig. Karong bag-o nakabantay ko nga dunay leak sa tubo sa tubig ug nagsige na kini og agas.
Amo na kining gipatan-aw ug kinahanglan na nga ilisan ang tubo sa tubig.
Ang akong pangutana, kinsay mogasto sa maong repair, ako nga nag rent o ang lessor?
Daghang salamat.
Glenn
* * *
Dear Glenn,
Basi sa paragraph (2) sa Article 1654 sa atong Civil Code, ang lessor o tag-iya sa balay nga giabangan obligado nga mohimo sa mga necessary repairs sa balay nga gipaabangan gawas lang kun duna silay kasabutan sa nag-abang nga maoy mogasto sa repairs.
Sa imo nga kaso, kun wa moy kasabutan labot niini then ang owner maoy mogasto sa pagpaayo sa tubo sa tubig.
Thanks and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.