^
EDITORYAL - Komusta ang mga batang atleta?

EDITORYAL - Komusta ang mga batang atleta?

Ian B. Melecio (Banat) - April 10, 2021 - 12:00am

Gipahunong sa pandemiya sa Covid-19 ang kalibotan sa mga kabataan nunot sa mga gipatumang restriksyon sa nagkadaiyang gobiyerno, apil na ang sa Pilipinas, sa mga kalihokan sa mga kabataan sugod sa miaging tuig hangtud karon.

Sumala pa sa UNICEF, dunay dili maayong epekto sa mga kabataan ang dugay nga pagkatanggong diha sa ilang mga balay ug miawhag sa mga nasud paghimo og mga pamaagi aron masigurong dili maapektahan ang paglambo sa kabataan sa panghunahuna, relasyon ngadto sa uban  ug uban pa.

Tungod sa pandemiya, daghang sports activities partikular ang team sports ug contact sports ang gidid-an sa pagpahigayon dinhi sa Pilipinas tungod sa kabalaka nga magkatinakdanay sa Covid-19 ang mga partisipante.

Kung sa mga ordinaryong kabataan duna na kini dili maayong epekto, samot na alang sa mga kabataang atleta. Kritikal kaayo sa ilang paglambo isip atleta ang pagbansay-bansay sa paugnat sa kusog nga ilang gisalmotan.

Hinuon daghang mga pamaaging gihimo ang ubang atleta aron makapadayon sa ilang pagbansay-bansay luyo niining mga restriksyon. Dunay uban nga nagbansay diha lang sa ilang mga panimalay ubos sa paggiya sa ilang mga traners.

Apan unsaon nalang kadtong mga batang mao pay pag-develop sa ilang abilidad sa sports nga ilang gipili? Kadtong dunay talagsaong abilidad apan wala pay nadawat nga pormal nga  training gikan sa mga propesyonal nga coaches.

Dili tanang atleta ang dunay access sa mga pasilidad bisan naa ra sila magpundo sa ilang mga balay. May paglaum pa kaha silang mga anak og kabus apan may talent sa sports mapalambo ang ilang kinaadman?

Kinahanglan tingali nga molihok aning bahina ang mga lokal nga mga opisyales aron masiguro ang padayong paglambo sa mga kabataan sa ilang lugar tungod kay anugon kaayo nga mausik ang talent sa mga bata.

Hain naman ang Sangguniang Kabataan sa kabarangayan? Wala bay pamaaging mahimong buhaton aron matabangan ang ilang mga kabataan?

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with